COVID-19. Оид ба пешгирии ин беморӣ бо мудирони марказҳои савдо ва хизматрасонии шаҳри Хуҷанд мулоқот доир гардид
ДУШАНБЕ, 03.08.2020 /АМИТ «Ховар»/. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар иртибот ба хуруҷи мавҷи дуюми бемории коронавирус навъи COVID-19, ки дар як зумра давлатҳои ҷаҳон ба қайд гирифта шудааст, ба сокинони мамлакат тавсия медиҳад, ки зимни гаштугузор дар ҷойҳои ҷамъиятӣ аз ниқобҳои муҳофизатӣ ҳатман истифода баранд ва қоидаҳои беҳдоштиро риоя намоянд. Алалхусус аз фурўшандагони марказҳои савдо ва хизматрасонӣ талаб карда мешавад, ки ин талаботро на танҳо худи онҳо ба ҷо оранд, балки ҳангоми ворид шудани харидорон риояи қоидаҳои беҳдоштиро аз онҳо низ талаб намоянд, аз ҷумла меъёрҳои безараргардониро анҷом дода, танҳо бо ниқоб вориди мағоза шудани онҳоро иҷозат диҳанд. Ҳамзамон қабл аз баромадани харидорон аз марказҳои савдо ва хизматрасонӣ амалҳои безараргардониро анҷом диҳанд, то ин ки онҳо манбаъҳои сироятиро ба хонавода ва ҷойҳои ҷамъиятӣ набаранд.
Ин матлаб зимни мулоқоти роҳбарияти Маркази назорати давлатии санитарию эпидемологии шаҳри Хуҷанд бо мудирони марказҳои савдо ва хизматрасонии шаҳр баён гардид.
Дар ҷамъомад сардори Маркази назорати давлатии санитарию эпидемологии шаҳри Хуҷанд Эҳсон Саидов таъкид дошт, ки пас аз зуҳури пандемияи COVID-19 тарзи ҳаёти шаҳрвандон ба низоми дигар ворид шуд, ки риояи ҳатмии он барои бехатарии солимии шаҳрвандон нигаронида шудааст.
«Ин ҳама тадбирҳо баҳри пешгирии мавҷи дуюмбораи ин беморӣ нигаронида шуда, барои ба эътидол омадани вазъияти эпидемологӣ рафтори масъулиятшиносонаи ҳар як шаҳрванд ва ҳамкории зичии сохторҳои давлатӣ бо аҳолӣ бисёр муҳим аст. Мо бояд ба ҳар як шаҳрванди мамлакат фаҳмонем, ки саломатии ӯ ва атрофиён аз рафтори дурусти онҳо, яъне анҷоми тадбирҳои зарурӣ ҷиҳати мубтало нагаштан ба ин беморӣ ва пешгирӣ аз он вобаста аст. Онҳо бояд тавсияи мутахассисонро дар давраи пандемия ба инобат гирифта, мувофиқи он кору рафтор намоянд»,- афзуд Эҳсон Саидов.
Дар фарҷоми вохӯрӣ роҳбарияти Маркази назорати давлатии санитарию эпидемологии шаҳри Хуҷанд ба саволҳои бамиёномада вобаста ба мавзӯи матраҳшаванда посух гуфтанд.
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
Дар ноҳияи Фирдавсӣ барои фаъолони ҳизб машғулияти омӯзишӣ доир гардид
Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
