Дар ноҳияи Бобоҷон Ғафуров 27 тонна гӯшти мурғи пастсифат ошкор гардид
ДУШАНБЕ, 14.08.2020 /АМИТ «Ховар»/. Дар анбори нигаҳдории маҳсулот ё сардхона дар ноҳияи Бобоҷон Ғафурови вилояти Суғд 27 тонна гӯшти мурғи пастсифат ошкор гардид. Гӯшти мурғ бо мақсади истифода дар сехҳои ҳасиббарорӣ нигаҳдорӣ мешуд. Дар ин бора котиби матбуоти Раёсати Вазорати корҳои дохилӣ дар вилояти Суғд Акбар Шарифӣ ба хабарнигори АМИТ «Ховар» хабар дод.
Номбурда афзуд, ки дар доираи чораҳои фаврӣ-ҷустуҷӯии мақомоти ҳифзи ҳуқуқ, зимни санҷиши сардхонаи номбаршуда нигаҳдорӣ шудани 27 тонна гӯшти мурғи пастсифат ва бидуни борпечи кафолатдиҳандаи бехатарӣ, ки истеъмолкунанда тавонад оид ба сифати маҳсулот маълумот гирад, дарёфт карда шудааст.
«Ин миқдор бори бесифат ба се соҳибкор-сокинони ноҳияи Бобоҷон Ғафуров тааллуқ дошта, бо мақсади коркард дар коргоҳҳои истеҳсоли ҳасиб бе риояи қоидаҳои санитарию беҳдоштӣ нигаҳдорӣ мешуд»,-иброз намуд Акбар Шарифӣ.
Маҳсулоти гӯштии дарёфтшуда барои муайян кардани сифат ва кафолатнокии бехатарӣ ба се мақомоти ваколатдори назораткунанда, аз ҷумла Маркази назорати давлатии санитарию эпидемиологӣ, Маркази стандартизатсия, метрология, сертификатсия ва нозироти савдо ва Маркази ташхиси озуқаворӣ дар вилояти Суғд пешниҳод шудааст. Дар вақти ташхис мутахассисони ҳар се мақомот маҳсулоти гӯштиро барои истеъмол номутобиқ арзёбӣ кардаанд.
Акбар Шарифӣ зикр кард, ки аз рӯи далелҳои ошкоргардида маводи зарурии тафтишӣ тартиб дода шуда, барои қабули қарори қонунӣ ба мақомоти Прокуратура ирсол карда шудааст.
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
