Федератсияи футболи Тоҷикистон ба футболбозони навраси шаҳри Хоруғ лавозимоти варзишӣ туҳфа кард
ХОРУҒ, 13.08.2020 /АМИТ «Ховар»/. Футболбозони навраси шаҳри Хоруғ дар остонаи ҷашни 29-солагии Истиқлолияти давлатии Ҷумҳурии Тоҷикистон аз сӯи Федератсияи футболи Тоҷикистон туҳфаи арзишманд гирифтанд.
Раиси Федератсияи футболи вилоят Аноятшо Султоншоев гуфт, ки «дар ин рӯзҳо мо ба мусобиқаи шаҳрӣ аз намуди футболи хурд байни кӯдакону наврасон бахшида ба ҷашни истиқлолияти давлатӣ омодагӣ мебинем. Чунин кумак воқеан хеле саривақтист ва футболбозони наврасро хеле хушҳол кард. Ба ҷуз ин бо дастгирии Федератсияи футболи Тоҷикистон ва шахсан раиси он Рустами Эмомалӣ дар ду соли охир дар шаҳри мо ду майдончаи муосири футбол мавриди баҳрабардорӣ қарор гирифтанд. Баъд аз ин теъдоди ҳам футболбозони наврас ва ҳам мухлисони ин бозии дӯстдоштанӣ ба маротиб афзуд. Инро ба назар гирифта, Федератсияи футболи Тоҷикистон тасмим гирифтааст, ки ояндаи наздик дар шаҳр боз ду майдончаи футбол бунёд намояд».
Кумаки Федератсияи футболи Тоҷикистон аз тӯру тӯби футбол ва дигар лавозимоти варзишӣ барои футболбозони наврас иборат буда, байни дастаҳои футболи маҳаллаҳои шаҳр тақсим карда шуд.
Дар айни замон бо ибтикори мақомоти иҷроияи ҳокимияти давлатии шаҳру вилоят сохтмони се майдончаи муосири варзишӣ идома дорад, ки дар арафаи ҷашни истиқлолияти давлатӣ ба истифода дода хоҳанд шуд.
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
