Кормандони Раёсати андози вилоятм Суғд ба маблағи 27,3 млн сомонӣ ҳолатҳои пинҳонкунии андозро ошкор намуданд

Август 9, 2020 10:33

ХУҶАНД, 09.08.2020. /АМИТ «Ховар»/. Кормандони Раёсати андози вилояти Суғд дар доираи иҷрои қонунгузории Ҷумҳурии Тоҷикистон оид ба сари вақт пардохт намудани андоз ва ҳолатҳои саркашинамоӣ аз андозсупорӣ давоми шашмоҳаи  якуми соли 2020 нисбат ба фаъолияти 340 соҳибкори инфиродӣ ва шахсони ҳуқуқӣ санҷиши риояи қонунгузории андоз гузарониданд. Дар натиҷа ба маблағи 27,3 млн.сомонӣ ҳолатҳои пинҳонкунии андозро ошкор намуда, аз ин ҳисоб 24,6 млн сомониашро ба буҷети давлат ситонидаанд. Дар ин бора   сардори Раёсати андози вилояти Суғд Абдуқаюм ВОҲИДОВ  ба хабарнигори минтақавии АМИТ “Ховар” Абдулаҳад ШАРИФЗОДА  иттилоъ дод.

Сардори раёсат ҳамзамон илова намуд, ки дар давраи ҳисоботӣ дар самти маҷбуран ситонидани қарзи андозҳо 1531 адад қарор оид ба маҷбуран ситонидани андозҳо ба маблағи умумии 55,9 млн.сомонӣ қабул гардида, аз ин ҳисоб 40,1 млн.сомонӣ рӯёнида шуд, ки   нисбат ба ҳамин давраи соли гузашта 22,6 млн.сомонӣ зиёд мебошад.

Инчунин имрӯз мувофиқи ҳисобот дар миқёси вилояти Суғд 35 536 нафар соҳибкорони инфиродии бо патент фаъолияткунанда ба қайд гирифта шуда, аз ин ҳисоб ба буҷети давлатӣ 33,0 млн.сомонӣ андозҳо ворид гардида, шумораи соҳибкорон нисбат ба ҳамин давраи соли гузашта 904 нафар зиёд гардидааст. Вобаста ба имтиёзҳои пешбинишуда ҷамъоварии андозҳо нисбат ба ҳамин давраи соли гузашта ба маблағи 5,2 млн.сомонӣ коҳиш ёфтааст.

Ҳамзамон дар ин давра дар доираи иқдоми Пешвои миллат оид ба пешгирии таъсири пайомадҳои касалии сироятии Ковид-19 ва дастгирии фаъолияти соҳибкории хурду миёна дар кишвар як қатор имтиёзҳои андозӣ пешбинӣ карда шуда, аз ин ҳисоб тибқи маълумоти пешакӣ беш аз 14,0 ҳазор нафар соҳибкорони бо патент фаъолияткунанда, 2,2 ҳазор нафар соҳибкорони бо шаҳодатнома фаъолияткунанда ва беш аз 500 шахсони ҳуқуқӣ оид ба муваққатан боздоштани фаъолият ба мақомоти андоз муроҷиат намудаанд. Дар ин замина, аз ҳисоби озодкунӣ аз андозҳо, кам намудани меъёри андоз ва таҳти таҳлили андозӣ қарор гирифтани соҳаҳои алоҳидаи фаъолият тибқи ҳисобҳои пешакӣ, беш аз 45 млн. сомонӣ маблағҳо ба буҷети давлатӣ ворид нагардидаанд.

-Дар маҷмӯъ, дар шашмоҳаи якуми сои 2020 нақшаи қисми даромади буҷети давлатӣ ба андозаи 100,9 фоиз таъмин гардида, ба ҷойи 1292,5 млн.сомонии пешбинишуда ба буҷети давлатӣ бо назардошти андози иҷтимоии ғайрибуҷетӣ 1304,0 млн. сомонӣ ворид гардидааст, — афзуд  А.Воҳидов.

Август 9, 2020 10:33

Хабарҳои дигари ин бахш

Миёни Кумитаи рушди сайёҳӣ ва Ассотсиатсияи туризми дар ҷомеа асосёфта Ёддошти тафоҳум ба имзо расид
БМТ: Рушди ҳисоббаробаркунии ғайринақдӣ тақозои замон аст
Далер Ҷумъа дар нишасти Шӯрои энергетикии барқи ИДМ ширкат намуд
Соли 2022 ба Тоҷикистон аз Русия чӣ миқдор нафту газ ворид мешавад
Дар Вазорати рушди иқтисод ва савдо масъалаи содагардонии расмиёти савдо баррасӣ шуд
Дар Кӯлоб Форуми минтақавии соҳибкории Хатлон-2021 баргузор шуд
Дар Бонки миллӣ Стратегияи давлатии муқовимат ба коррупсия барои давраи то соли 2030 баррасӣ гардид
Маҷмааи нассоҷии ҶСП «Ҷунтай Данғара Син Силу Текстил» дар ноҳияи Данғара ба мутахассисон эҳтиёҷ дорад
Дастовардҳои биологҳои тоҷик дар соли 2021 натиҷагирӣ шуд
Дар шаҳри Дубай Форуми соҳибкорию сармоягузории Тоҷикистон ва Амороти Муттаҳидаи Арабӣ доир шуд
«ОБ — САРЧАШМАИ АСОСИИ ИМКОНИЯТҲОИ САЙЁҲИИ ТОҶИКИСТОН». Дар Душанбе таҳти ин унвон ҳамоиши илмӣ баргузор гардид
Дар Душанбе оид ба баррасии барномаи миёнамуҳлати рушди Ҷумҳурии Тоҷикистон ҳамоиш доир шуд