Мутахассисон ба кишоварзони Ҳисор оид ба нозукиҳои парвариши картошка тавсияҳои муфид доданд

Август 3, 2020 10:58

ДУШАНБЕ, 03.08.2020 /АМИТ «Ховар»/. «Кишт ва парвариши  картошка дар қитъаҳои замини шаҳри Ҳисор» таҳти ин унвон дар кооперативи тиҷоратии ба номи Ҳайдар Мирови шаҳри Ҳисор машғулияти омӯзишӣ доир гардид, ки дар ҷараёни он  дар майдони 20 гектар кишти такрории картошка  анҷом дода шуд.

Дар  машғулияти омӯзишӣ  раиси шаҳри Ҳисор Шарифҷон Ҷумъазода, президенти  Академияи илмҳои кишоварзии Тоҷикистон Нуралӣ Асозода, директори Институти боғу токпарварӣ ва сабзавоткории Академияи илмҳои кишоварзии Тоҷикистон Ҳикматулло Назиров, раисони хоҷагиҳои ҷамъиятӣ ва ҷамоатҳои шаҳраку деҳоти шаҳри Ҳисор иштирок намуданд. Дар ҷараёни машғулияти мазкур мутахассисон ба кишоварзон дар бораи аҳамияти кишти такрории зироатҳо, аз ҷумла  агротехника ва муҳлатҳои кишти картошка, омода  кардани қитъаҳои замин дар кишти такрорӣ, интихоби замин ва тухмӣ, тарзи нигоҳубини зироат дар шароити заминҳои шаҳри Ҳисор  маълумоти муфассал  доданд. Аз ҷумла, зикр  гардид, ки деҳқонон танҳо бо шинонидани тухмӣ хотирҷамъ нашуда,  бояд ҳама нозукиҳои парвариши картошкаро риоя намоянд.

Президенти Академияи илмҳои кишоварзии Тоҷикистон Нуралӣ Асозода дар назди деҳқонон гуфт, ки картошка яке аз зироатҳои асосии озуқаворӣ буда, баҳри иҷрои Барномаи озуқавории мамлакат аҳамияти муҳим дорад.  Президенти Ҷумҳурии Тоҷикистон муҳтарам  Эмомалӣ Раҳмон  ин масъаларо дар ҳар як ҷамъомаду вохӯриҳо махсус таъкид менамоянд. «Дар шароити кунунӣ, ки як қатор давлатҳои ҷаҳон  ба хатару душвориҳои глобалӣ, фалокатҳои табиӣ, қашшоқию гуруснагӣ, хуруҷи бемориҳои сироятӣ, ба мисли COVID-19 гирифторанд, истифодаи самараноки замин, истеҳсоли фаровони маҳсулоти озуқаворӣ ва захираи он аҳамияти аввалиндараҷа касб менамояд. Бояд тамоми шароиту имкониятҳои мавҷударо самаранок истифода бурда,  ҳосилнокӣ, боздеҳи заминҳоро баланд бардорем»,- таъкид кард Нуралӣ Асозода.

Кишти такрории  картошка дар кооперативи тиҷоратии ба номи Ҳайдар Мирови шаҳри Ҳисор дар ҳолест, ки кишоварзони шаҳри Ҳисор азм доранд, ки соли равон дар майдони 500 гектар картошка кишт намуда, дар таъмини амнияти озуқавории мамлакат саҳми арзанда гузоранд.

Август 3, 2020 10:58

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид