ТАВАҶҶУҲ! 30 август «Сомон Эйр» дар самти Душанбе-Минск ва Минск-Душанбе парвозҳои чартерӣ анҷом медиҳад

Август 27, 2020 14:30

ДУШАНБЕ, 27.08.2020 / АМИТ «Ховар»/. Ситоди ҷумҳуриявӣ оид ба пурзӯр намудани чораҳои зиддиэпидемикӣ оид ба пешгирии паҳншавии сирояти нави COVID-19 дар бораи аз ҷониби ширкати ҳавопаймоии «Сомон Эйр» анҷом додани парвозҳои чартериро дар самтҳои Душанбе-Минск ва Минск-Душанбе қарор қабул намуд, хабар медиҳад АМИТ «Ховар» бо истинод ба Вазорати корҳои хориҷии мамлакат.

Парвози чартерӣ дар самти Душанбе-Минск, пеш аз ҳама, барои интиқоли донишҷӯёни тоҷик, ки дар Ҷумҳурии Беларус ва Украина таҳсил мекунанд, инчунин шаҳрвандони кишварҳои хориҷӣ пешбинӣ шудааст.

Дар робита ба ин, вазорат аз донишҷӯёни тоҷике, ки дар Ҷумҳурии Беларус ва Украина таҳсил мекунанд, хоҳиш менамояд, ки ҳангоми ворид шудан ба ин кишварҳо талаботи санитарию эпидемиологиро ба назар гиранд.

Бояд гуфт, ки сафоратхонаҳои Тоҷикистон дар Беларус ва Украина омодаанд ба донишҷӯёни тоҷик дар таъмини интиқол аз Минск ба Киев ва дигар шаҳрҳои Украина кумаки зарурӣ расонанд. Барои харидани чиптаҳои ҳавопаймо дар самти Душанбе-Минск шаҳрвандон метавонанд мустақиман ба «Сомон Эйр» муроҷиат намоянд.

Тавассути парвози чартерӣ дар самти Минск-Душанбе шаҳрвандони Ҷумҳурии Тоҷикистон, ки дар Ҷумҳурии Беларус ва Украина қарор доранд, ба Ватан баргардонида мешаванд. Барои шомил шудан ба рӯйхати интиқол ҳамватанонро мебояд ба сафоратҳои Тоҷикистон дар Минск ва Киев муроҷиат намоянд.

Бояд ба назар гирифт, ки ҳангоми вуруд ба Ҷумҳурии Тоҷикистон ҳамватанон бояд бо худ маълумотнома дар бораи мавҷуд набудани сирояти коронавирус (COVID-19), ки тавассути санҷиши усули реаксияи занҷири полимераз (ПТР) гирифта шудааст ва на дертар аз 96 соат (4 шабонарӯз) қабл аз омадан ба Тоҷикистон омода гардидааст, дошта бошанд. Ҳамзамон кӯдакони то 3-сола аз пешниҳоди шаҳодатнома озод мебошанд.

АКС аз бойгонӣ

Август 27, 2020 14:30

Хабарҳои дигари ин бахш

Сафири навтаъйини Британияи Кабир ва Ирландияи Шимолӣ ба Душанбе омад
Қазоқистон узви Шӯро оид ба ҳуқуқи инсони СММ интихоб шуда, Тоҷикистон ба сифати узви ғайридоимии Шӯрои Амнияти СММ пешниҳод гардид
Сафири Тоҷикистон ба Президенти Молдова эътимоднома супорид
Ҷаласаи навбатии Шӯрои вазирони корҳои хориҷии ИДМ дар Тоҷикистон баргузор мешавад
Сафири Тоҷикистон ва Вазири маорифи Озарбойҷон дурнамои рушди ҳамкории дуҷонибаро баррасӣ намуданд
Музаффар Ҳусейнзода бо Вазири корҳои хориҷии Ҷумҳурии Сербия Никола Селакович мулоқот намуд
Ҳайати Тоҷикистон дар Конфронси сатҳи баланди Ҷунбиши адами тааҳҳуд иштирок намуд
Саммити навбатии СВМДА дар Нур-Султон доир мешавад, нишасти қаблии он дар Душанбе баргузор шуда буд
Сарвазири Тоҷикистон Қоҳир Расулзода бо Вазири саноат ва технологияи Туркия Мустафа Варанк мулоқот намуд
Кишварҳои Осиёи Марказӣ ва давлатҳои арабии Халиҷи Форс рушди ҳамкориро дар самтҳои авлавиятнок баррасӣ намуданд
Сафири Тоҷикистон дар ФР Давлатшоҳ Гулмаҳмадзода бо Сафири Кореяи Ҷанубӣ дар ФР Ли Сок Пэ мулоқот намуд
Ҳайати Тоҷикистон дар ҷаласаи шашуми вазирони корҳои хориҷии кишварҳои узви МҲТБО дар Нур-Султон иштирок намуд