Тоҷикистон бо 102 мамлакати хориҷӣ муносиботи савдои хориҷӣ ба роҳ мондааст
ДУШАНБЕ, 03.08.2020 /АМИТ «Ховар»/. Ҷумҳурии Тоҷикистон ҳоло бо 102 мамлакати хориҷӣ муносиботи савдои хориҷӣ ба роҳ мондааст. Содироти маҳсулоти ватанӣ дар шашмоҳаи якуми соли равон 654,4 миллион доллари ИМА–ро ташкил намуд, ки ин нисбат ба ҳамин давраи соли гузашта 83,6 миллион доллар ё 14,7 фоиз зиёд мебошад. Ин нуктаро имрӯз зимни нишасти матбуотӣ директори Агентии содироти назди Ҳукумати Ҷумҳурии Тоҷикистон Шавкат Бобозода ба хабарнигорон иброз намуд.
Ба зикри номбурда, соли равон бо мақсади рушди иқтидори содиротии мамлакат дар назди Агентӣ Корхонаи воҳиди давлатии «Тоҷагропромэкспорт» таъсис дода шуд, ки ҳадаф аз он харид, захира, нигоҳдорӣ, бастабандӣ ва содироти маҳсулоти рақобатпазир ба хориҷи мамлакат мебошад, ки ин метавонад ҷиҳати рушди соҳа мусоидат намояд.
«Дар натиҷаи мусоидат ва ҳамкорӣ бо як зумра ширкатҳои ватанӣ байни Агентии содирот ва намояндагиҳои он дар вилоятҳои Хатлону Суғд ва ноҳияҳои тобеи ҷумҳурӣ созишномаҳои ҳамкорӣ оид ба афзоиш додани содироти маҳсулоти кишоварзию саноатӣ ба имзо расонида шуд. Аз ҷумла, Агентии содирот оид ба содироти меваю сабзавот бо ҶДММ «СКПродукт»-и шаҳри Москваи Федератсияи Россия мулоқоти муҳим баргузор намуд. Дар натиҷаи чунин ҳамкорӣ аз ноҳияи Данғараи вилояти Хатлон 40 тонна (2 фура) олу ва аз шаҳри Ҳисор 100 тонна (4 фура) олу ба Федератсияи Россия содирот карда шуд. Инчунин аз ҷониби ҶСШК «Комбинати хӯроквории шаҳри Бохтар» ва ҶСП «Аввалин»-и ноҳияи Қубодиён 40 тонна тарбуз ба Федератсияи Россия ва 20 тонна ба Ҷумҳурии Литва содирот карда шуд»,- гуфт Шавкат Бобозода.
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
Муовини Сарвазири Тоҷикистон бо корҳои кишоварзӣ дар шаҳри Ҳисор шинос шуд
Дар ноҳияҳои вилояти Хатлон ҷамъоварӣ ва коркарди пахта идома дорад
Бо иштироки муовини Сарвазири Тоҷикистон дар Шаҳринав ҷамъоварии пахта оғоз гардид
Дар Минск ҳамкории мақомоти дахлдори Тоҷикистон ва Русия дар самти муқовимат ба коррупсия баррасӣ шуд
Парвозҳои ҳавоӣ байни Душанбе ва Давҳа барқарор мегарданд
Дар Душанбе Конфронси панҷуми байналмилалии роҳдории Осиёи Марказӣ баргузор мегардад
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Ҷаласаи навбатии Комиссияи байниидоравӣ оид ба таъмини бехатарии авиатсионӣ баргузор шуд
Намояндагони «Тоҷикаэронавигатсия» бо раванди таҳсили донишҷӯёни тоҷик дар Академияи давлатии авиатсияи Беларус шинос гардиданд
