СУРАТ-ДАЛЕЛ. Ду шафати роҳҳои маркази шаҳри Ваҳдат пур аз партовҳост, ва ё Муҳитро бояд тоза нигоҳ дошт!
ВАҲДАТ, 14.08.2020 /АМИТ «Ховар»/. Имрӯзҳо, дар арафаи ҷашни Истиқлолияти давлатӣ, оғози соли нави таҳсил ва айёми хуруҷи бемории сироятии коронавирус, ду шафати роҳҳои маркази шаҳри Ваҳдат ва ҷӯйборҳои он аз сабаби бемасъулиятии масъулини соҳа пур аз алафҳои бегона, пасмондаҳои истеъмолӣ, зарфҳои пластикию полиэтиленӣ ва ғарами партовҳо ба назар мехӯранд, ки, маатассуф, макони гашту гузори сагҳо шудаанд.
Ҳифзи муҳити зист дар тамоми давру замон муҳимтарин вазифаи инсоният ба ҳисоб рафта, имрӯз дар замони пешгирии бемории сироятии коронавирус боз ҳам муҳимтар ва мубрамтар гардидааст. Тозагию нафосат, поку озода намудани маҳалли зист, пойбанди тарзи ҳаёти солим будан ва ободонию хуррамгардонии ватани хеш яке аз самтҳои асосии сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Аз ин рӯ амалисозии ин самти сиёсати давлат метавонад омили муҳими пешгирӣ аз пайдоиши ҳама гуна бемориҳои сироятӣ гардад.
Баҳри таъмини амнияти саломатии сокинону меҳмонони шаҳри Ваҳдат ва риояи қоидаҳои санитарию гигиенӣ аксҳои аз назди бинои “Амонатбонк” то Коллеҷи тиббию Беморхонаи марказии шаҳр гирифтаи хабарнигори минтақавии АМИТ «Ховар» Субҳониддин МАҲМУДро манзури масъулини соҳа мегардонем, то роҳбарияти Маркази ташхиси санитарию эпидемиологӣ, Шуъбаи ҳифзи муҳити зисти шаҳр ва муовинони раиси шаҳри Ваҳдат масъулият ҳис намуда, бо мақсади беҳдошти муҳити зист ва таъмини амнияти экологии аҳолӣ дар шаҳр аксияҳои «Тозагии маҳал» ва «Тозагии соҳил» доир кунанд, маркази шаҳр ва ҷӯйборҳои онро аз партовҳо тоза намоянд.
Масъулини шаҳр бояд дарк намоянд, ки моро дар пеш ҷашни бузурги умумимиллӣ — 30-солагии Истиқлолияти давлатӣ интизор аст. Дар таҷлили сазовори ин ҷашн ҳар нафар метавонад бо тозаву озода нигоҳ доштани манзил, таъмини шароити арзандаи зисту таҳсил барои фарзандон, ободонии маҳал, истифодаи самараноки обу замин саҳми бориз гузорад.
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
