ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҷамоати деҳоти Кӯлканди шаҳри Исфара кӯдакистони «Гулистон» бунёд шуд
ДУШАНБЕ, 07.09.2020 /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон дар Ҷамоати деҳоти Кӯлканди шаҳри Исфара кӯдакистони «Гулистон» ба истифода дода шуд. Кӯдакистони мазкур аз ҷониби соҳибкор Абдуваққос Нишонов сохта шуда, барои 175 нафар кӯдак пешбинӣ шудааст.
Тавре аз мақомоти иҷроияи ҳокимияти давлатии шаҳри Исфара ба АМИТ «Ховар» иттилоъ доданд, саҳми соҳибкорон дар пешрафту шукуфоии шаҳри Исфара назаррас мебошад. Аз ҷумла, бо иқдоми соҳибкори бурунмарзии зодаи Исфара Миразиз Усмонов зиёда аз 5 км роҳҳои дохилии деҳоти Кӯлканд ба маблағи беш аз 1 млн сомонӣ пурра асфалтпӯш шуда, масоҳати 1,1 км роҳи кӯчаи марказии деҳа бо харҷи 77 ҳазор сомонӣ аз таъмири ҷорӣ бароварда шуд.
Ҳамчунон бо ташаббус ва маблағгузории соҳибкор Ҷамшед Бузуруков 600 метр роҳи кӯчаи Гузар асфалтпӯш карда шуд. Дар ин радиф, бо дастгирии соҳибкорон дар деҳаи Гулистон варзишгоҳи хурди муосир бунёд ва мавриди баҳрабардории ҷавонону наврасон қарор дода шуд.
Ҳоло дар шаҳри Исфара бахшида ба Истиқлолияти давлатии Ҷумҳурии Тоҷикистон корҳои ободонию созандагӣ бомаром идома дошта, сокинони ҳар маҳалла, шаҳраку деҳот ва роҳбарони корхонаву муассисаҳо талош доранд ин ҷашни давлатиро бо рӯҳияи тоза пешвоз гиранд.
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
Маҷлиси Ҳукумати Ҷумҳурии Тоҷикистон баргузор гардид
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
