Дар Исфара барои бонувони хонанишин коргоҳи дӯзандагӣ ифтитоҳ гардид
ДУШАНБЕ, 15.09.2020 /АМИТ «Ховар»/. Дар Ҷамоати деҳоти Сурхи шаҳри Исфара ба ифтихори 30-солагии Истиқлолияти давлатии Ҷумҳурии Тоҷикистон ва Солҳои рушди деҳот, сайёҳӣ ва ҳунарҳои мардумӣ коргоҳи хурди дӯзандагӣ мавриди истифода қарор дода шуд. Дар ин бора хабарнигори АМИТ «Ховар» бо истинод ба маркази матбуоти раиси шаҳри Исфара иттилоъ медиҳад.
Коргоҳи дӯзандагӣ аз ҷониби соҳибкор Ҳокимбой Каримов бунёд ёфта, дар марҳилаи аввал 12 нафар занони бешуғли маҳаллӣ соҳиби ҷойи кори доимӣ гардиданд.
Дар коргоҳ барои бонувон навъҳои гуногуни ҳунарҳои мардумӣ, аз қабили чакандӯзӣ, қуроқдӯзӣ, попурдӯзӣ, шерозбофӣ, кӯрпадӯзӣ, муҳрабофию кокулсозӣ, тоқидӯзӣ, кешбофӣ ва рафидадӯзию кашидадӯзӣ омӯзонида мешаванд.
Пешвои миллат муҳтарам Эмомалӣ Раҳмон зимни сафари корӣ ба ноҳияи Муъминобод 10 сентябри соли 2019 дар суҳбати самимӣ бо ин модарони ҳунарманд иброз доштанд, ки «сару либоси миллӣ инъикоскунандаи таъриху фарҳанг ва анъанаву ҳунарҳои миллӣ буда, қавму миллатҳоро ба ҷаҳониён муаррифӣ мекунад. Аз ин рӯ, вазифаи ҳар сокини мамлакат, бахусус занони тоҷик ин аст, ки дар самти эҳёи ҳунарҳои мардумӣ нақшгузор бошанд ва барои пешгирӣ аз бегонапарастиву тақлидкорӣ миёни ҷавонон, ҳамчунин ҷалби сайёҳони хориҷӣ ба мамлакат саҳм гузоранд».
Имрӯзҳо корҳои созандагию бунёдкорӣ ва ободонӣ дар шаҳри Исфара ва деҳоти он бо саҳми фаъолонаи мардум муташаккилона идома доранд.
Дар шаҳр аз ҷониби соҳибкорони маҳаллӣ бо харҷи 130 ҳазор сомонӣ бинои муассисаи таълимии №29 таъмиру навсозӣ гардидааст.
Ҳамзамон сокинони Исфара бо баргузор намудани ҳашари умумӣ 4,5 километр роҳро навсозӣ ва мумфарш намуданд.
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон муассисаи таҳсилоти томактабии хусусии «Ғунчаи баҳор»-ро ба истифода доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
