«Гуфтугӯи ду насл». Таҳти ин унвон бахшида ба 90-солагии «Ҷавонони Тоҷикистон» ҳамоиши ҷумҳуриявии рӯзноманигорон доир шуд

Сентябрь 12, 2020 10:30

ДУШАНБЕ, 12.09.2020 /АМИТ «Ховар»/. 11 сентябр дар  «Шарқи озод» бахшида ба 90-солагии рӯзномаи «Ҷавонони Тоҷикистон» таҳти унвони «Гуфтугӯи ду насл» ҳамоиши ҷумҳуриявии рӯзноманигорони ҷавон ва собиқадор доир гардид.  Дар ҳамоиши мазкур Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода, собиқадорони соҳаи рӯзноманигорӣ, устодони факултаҳои журналистика ва ҷавонону навқаламон иштирок намуданд.

Тавре хабарнигори АМИТ «Ховар» иттилоъ медиҳад,  дар оғози ҳамоиш китоби тозанашре, ки аз ҷониби рӯзномаи «Ҷавонони Тоҷикистон» бо номи «Пири дилҷавон» рӯи чоп омада буд, рӯнамоӣ шуд.

Абдулло Раҳмонзода кормандони рӯзномаи мазкурро бо ҷашни 90- солагӣ табрик намуда, зикр намуд, ки «Ҷавонони Тоҷикистон» аз зумраи рӯзномаҳое мебошад, ки бо сабку услуби хоси хеш дар таҳкими дӯстиву рафоқат, якдиливу созандагӣ ва ватандӯстиву худшиносии аҳли ҷомеа нақши бориз гузоштааст.

«Агар ба таърихи рӯзнома назар афканем, маълум мегардад, ки рӯзнома  90 соли бурду бохт ва дастовардҳои муҳими таърихии миллати тоҷикро дар худ таҷассум намудааст. Дарвоқеъ, рисолати ҳар рӯзнома аз  он иборат аст, ки дар раванди фаъолияти худ, пеш аз ҳама, тарғибгару ташвиқкунандаи дастовардҳои миллӣ, муқаддасоти давлатӣ ва арзишҳои фарҳангию таърихии миллати хеш мебошад. Мояи хушнудист, ки ин рисолатро рӯзномаи «Ҷавонони Тоҷикистон» дар фаъолияти худ сарбаландона иҷро намудаву имрӯз низ ба ҷо меорад»,- афзуд Раиси Кумитаи кор бо ҷавонон ва варзиш.

Ба андешаи сармуҳаррири рӯзнома,  «Ҷавонони Тоҷикистон» мактаби эҷодкорони ҷавон мебошад, ки дирӯзро бо имрӯз ба ҳам пайваста, дар саҳифаҳои худ шодию ғам ва бурду бохти миллатро тӯли 90 сол инъикос намудааст.  «Ҷавонони Тоҷикистон» аз шумули рӯзномаҳое мебошад, ки вазифаҳои худро софдилона иҷро менамояд ва мактаби бузург барои ҷавонони навқалам маҳсуб меёбад.

Дар анҷоми  ҳамоиши ҷумҳуриявӣ аз ҷониби Кумитаи кор бо ҷавонон ва варзиши назди Ҳукумати мамлакат ба кормандони кунунӣ ва собиқадорони  рӯзнома  сипоснома ва туҳфаҳои хотиравӣ тақдим карда шуд.

Ёдовар мешавем, ки рӯзномаи «Ҷавонони Тоҷикистон» аввалин маротиба бо номи «Комсомоли Тоҷикистон» 5 апрели соли 1930 бо теъдоди 500 дона ба нашр расидааст. Соли 1930 рӯзнома ҳамагӣ 57 шумора чоп шуда, дорои 8 ходими эҷодӣ буд. Рӯзнома тӯли фаъолияти худ 3 маротиба тағйири ном намуда, аз соли 1998 инҷониб бо номи «Ҷавонони Тоҷикистон» нашр ва дастраси хонандагон мегардад.

Сентябрь 12, 2020 10:30

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад