Котибони Шӯрои амнияти СҲШ масъалаи таъмини амният ва субот дар минтақаро мавриди баррасӣ қарор доданд
ДУШАНБЕ, 15.09.2020 /АМИТ «Ховар»/. Имрӯз ҷаласаи 15-уми котибони Шӯрои амнияти давлатҳои аъзои Созмони Ҳамкории Шанхай (СҲШ) тариқи видеоконфронс баргузор гардид, ки дар рафти он Котиби Шӯрои амнияти Ҷумҳурии Тоҷикистон Насруллоҳ Маҳмудзода суханронӣ намуда, аз нақш ва мақоми Тоҷикистон дар таъмини амнияту суботи минтақавӣ ва таҳкими ҳамкории байнидавлатӣ дар доираи СҲШ ёдовар шуд, хабар медиҳад АМИТ «Ховар».
Дар ҷаласа масъалаҳои марбут ба таъмини амният ва субот дар минтақа, тадбирҳои таҳкими ҳамгироӣ байни давлатҳои аъзои СҲШ дар мубориза бар зидди терроризм, экстремизм, сепаратизм, гардиши ғайриқонунии маводи мухаддир ва аслиҳа, инчунин ҷиноятҳои муташаккили фаромиллӣ мавриди таҳлилу баррасӣ қарор гирифт.
Ҳамчунин ҷонибҳо оид ба вазъияти давлатҳои минтақа ва ҷаҳон дар давраи паҳншавии бемори сироятии COVID-19 ибрози ақида намуда, барои пешгирӣ аз хуруҷи мавҷи дуюми ин бемории сироятӣ фаъолияти дастаҷамъона ва мубодилаи таҷрибаи якдигарро зарур шумориданд.
Дар идомаи ҷаласаи котибони Шӯрои амнияти давлатҳои аъзои СҲШ ҳамзамон масъалаҳои вобаста ба баргузории ҷаласаи навбатии Шӯрои сарони давлатҳои аъзои СҲШ баррасӣ шуд.
Таъкид кардан ба маврид аст, ки Ҷумҳурии Тоҷикистон дар арсаи байналмилалӣ дар ҳалли бисёр масъалаҳо ва мушкилоти минтақавию ҷаҳонӣ ҳамчун кишвари ташаббускор шинохта шуда, дар мубориза ба тамоми зуҳуроти номатлуби замони муосир нақш ва мавқеи ягона дорад.
Дар рафти баргузории ҷаласа таъкид карда шуд, ки Ҳукумати Ҷумҳурии Тоҷикистон ба тақвияти бештари ҳамгироӣ бо кишварҳои аъзои СҲШ ва дигар ташкилоту созмонҳои минтақавию ҷаҳонӣ ҳавасманд буда, дар ин самт дар доираи сиёсати дарҳои боз пайваста тадбирҳои зарурӣ меандешад.
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
