Намояндагони Бонки Авруосиёии рушд, Фонди Авруосиёии стабилизатсионӣ ва рушд аз МОИ «Кӯлоб» боздид намуданд

Сентябрь 11, 2020 09:35

ДУШАНБЕ, 11.09.2020 /АМИТ «Ховар»/. Татбиқи лоиҳаҳои сармоягузорӣ дар  самти бунёди корхонаҳои нави саноатӣ дар ҳудуди Минтақаи озоди иқтисодии «Кӯлоб» бо истифода аз имтиёзҳои андозию гумрукии мавҷуда дар мулоқоти роҳбарони намояндагии Бонки Авруосиёгии Рушд дар Ҷумҳурии Тоҷикистон Паша Садихов, Фонди Авруосиёии стабилизатсионӣ ва рушд Масрур Назриев ва роҳбари минтақаи мазкур Мустафо Абдуллозода мавриди баррасӣ қарор гирифт.

Инчунин дар доираи мулоқот тарафҳо масъалаҳои вобаста ба ҷалби маблағҳои грантии Фонди Авруосиёии стабилизатсионӣ ва рушдро барои бунёди инфрасохтори аввалиндараҷаи МОИ «Кӯлоб», аз ҷумла таъминот бо барқ, об, ташноб, корҳои соҳилмустаҳкамкунӣ ва таҳияи асосноккунии техникию иқтисодии лоиҳаи кашидани роҳи оҳан мавриди муҳокима қарор дода, барои бартараф намудани мушкилоти мавҷуда дар ин самт  ҳавасмандӣ зоҳир карда шуд.

Намояндагони Бонки Авруосиёгии Рушд дар Ҷумҳурии Тоҷикистон ва Фонди Авруосиёии стабилизатсионӣ ва рушд ҳамзамон бо раиси шаҳри Кӯлоб Абдуқодир Вализода вохӯрӣ намуда, лоиҳаҳои афзалиятноки сармоягузории шаҳри Кӯлобро, ки аз ҷониби Кумитаи давлатии сармоягузорӣ ва идораи амволи давлатӣ, Вазорати саноат ва технологияҳои нав ва молия ба намояндагии Бонки Авруосиёгии Рушд пешниҳод гардидааст, мавриди муҳокима қарор доданд.

Дар ин раванд имконият ва роҳҳои татбиқи амалии лоиҳаҳои сармоягузорӣ оид ба бунёди корхонаҳои истеҳсоли лампаҳои каммасрафи светодиодӣ ва дигар асбоби барқӣ, аккумулятор,  лифт, шиша, равғани растанӣ, коркарди меваю сабзавот, коркарди нахи пахта, пӯст, пашм ва истеҳсоли пойафзол ва дигар корхонаҳои саноатӣ дар ҳудуди минтақаи озоди иқтисодии «Кӯлоб» бо истифодаи ашёи хоми маҳаллӣ, ҷалби соҳибкорони маҳаллӣ ва имтиёзҳои андозию гумрукӣ  мавриди таҳлил қарор дода шуд.

Бо истифода аз таҷрибаи дигар бонкҳои сармоягузорӣ ҷиҳати ҷалби маблағҳои грантию қарзӣ барои татбиқи амалии лоиҳаҳои сармоягузории афзалиятноки шаҳри Кӯлоб, аз ҷумла лоиҳаҳои «Таҷдид ва муҷаҳҳазгардонии фурудгоҳи байналмилалии Кӯлоб»  бо маблағи 5 млн. доллари ИМА, лоиҳаи «Таъмини аҳолӣ бо нақлиёти мусофиркашонии ҷамъиятӣ, аз ҷумла 20 автобуси калон, 40 микроавтобуси замонавӣ ва ба кор даровардани парки мошинҳои замонавии шаҳр»  3 млн. доллари ИМА пешниҳод гардид.

Тарафҳо ба мувофиқа расиданд, ки аз ҷониби мақомоти иҷроияи ҳокимияти давлатии шаҳри Кӯлоб бо ҷалби соҳибкорони маҳаллӣ, намояндагони Кумитаи давлатии сармоягузорӣ ва идораи амволи давлатӣ, Вазорати саноат ва технологияҳои нав, Бонки Авруосиёгии Рушд ва Фонди Авруосиёии стабилизатсионӣ ва рушд ва МОИ “Кӯлоб” ҷаласаи корӣ ташкил намуда, дар он масъалаҳои ҷалби сармоягузориҳо ба татбиқи амалии лоиҳаҳои афзалиятноки сармоягузории шаҳри Кӯлоб, бахусус лоиҳаҳои ба “Барномаи рушди иҷтимоию иқтисодии шаҳри Кӯлоб барои солҳои 2020-2025” воридгардида мавриди баррасӣ ва муҳокимаи ҳамаҷониба қарор дода шавад.

Сентябрь 11, 2020 09:35

Хабарҳои дигари ин бахш

«Электроторгмаш»-и Украина пешниҳод намуд, ки дар Суғд Маркази барқу гармидиҳӣ созад
Пахтакорони Турсунзода то имрӯз зиёда аз 1000 тонна пахта ҷамъоварӣ намудаанд
Вазирони молияи кишварҳои узви Бонки ҷаҳонӣ масъалаи сармоягузорӣ ба захираҳои инсониро баррасӣ намуданд
ИМРӮЗ – РӮЗИ КИШОВАРЗОН. Беш аз 60 фисади аҳолии Тоҷикистон ба ин соҳа машғул буда, дар таъмини амнияти озуқаворӣ саҳми босазо мегузоранд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ёвон бо дарозии 64 метр ва иқтидори 80 тонна пули дорои аҳамияти стратегӣ ба истифода дода мешавад
СММ ҷиҳати беҳбуди зерсохтори нақлиёти автомобилии Тоҷикистон кумак мекунад
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Парки миллии мамлакат, воқеъ дар ноҳияи Сангвор 102 иншоот бунёд мешаванд
Кишоварзони Левакант 2411,2 тонна пахта ҷамъоварӣ намуданд
Пагоҳ «Сомон Эйр» дар масири Душанбе-Истанбул парвозҳои мунтазам оғоз менамояд
Тоҷикистон бо Чин ва Туркия парвозҳои мустақим барқарор менамояд
Панҷакенти бостонӣ имкон дорад дар як сол то 200 ҳазор сайёҳ қабул намояд,- бардошт аз ҳамоиши ҷумҳуриявӣ
Дилрабо Мансурӣ, муовини Раиси Маҷлиси намояндагони Маҷлиси Олӣ: «Рушди соҳаи саноати сабук имкон медиҳад, ки бонувон бештар бо ҷойи кор таъмин шаванд»