Президенти мамлакат Эмомалӣ Раҳмон Ҷамъияти дорои масъулияти маҳдуди «Восеъ Саноат»-ро дар ноҳияи Восеъ ифтитоҳ намуданд
ДУШАНБЕ, 24.09.2020 /АМИТ «Ховар»/. Дар доираи сафари корӣ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳраки Ҳулбуки ноҳияи Восеъ ҳамчунин Ҷамъияти дорои масъулияти маҳдуди “Восеъ Саноат”-ро барои истеҳсоли шифери азбестӣ ифтитоҳ намуданд.
Сарвари давлат муҳтарам Эмомалӣ Раҳмон бо пардабардорӣ ва пахши тугма ба фаъолияти корхона оғоз бахшида, бо иқтидор ва имконоти истеҳсолии коргоҳи навбунёд аз наздик шинос шуданд.
Дар ҷараёни сохтмон ва васлу насби таҷҳизот, ки истеҳсоли Ҷумҳурии Мардумии Чин мебошад, қариб 10 нафар ба кор ҷалб шудаанд.
Айни ҳол дар корхона 30 нафар бо ҷойи кори доимӣ таъмин мебошанд.
Дар ҷараёни шиносоӣ бо иқтидори истеҳсолӣ ба Президенти Ҷумҳурии Тоҷикистон муҳтарам Эмомалӣ Раҳмон иттилоъ дода шуд, ки дар ин корхона давоми як шабонарӯз аз 1000 то 1200 дона шифери азбестӣ истеҳсол мешавад.
Иқтидори солонаи тавлидоти маҳсулот бо дарназардошти талабот ва фармоиш 100 ҳазор дона шифери азбестиро дар бар мегирад.
Корхонаи истеҳсоли шиферҳои азбестӣ тавассути технологияи компютерӣ идора шуда, маҳсулоти он аз рӯи услуби хос омода мешавад, ки сифати баландро соҳиб аст.
Масалан, баъди омезиши ашёи хом ва коркарду башаклдарорӣ аллакай маҳсулоти тайёр дар зарфи махсус бо истифода аз об мустаҳкам гардонида мешавад.
Корхонаи истеҳсоли шиферҳои азбестӣ бо истифодаи буғхонаи махсус амал намуда, сарфаҷӯии неруи барқро таъмин менамояд.
Тавре иттилоъ дода шуд, барои истеҳсоли маҳсулоти хушсифат ҳамагӣ 20 фоиз аз маҳсулоти воридотӣ истифода гардида, 80 фоизи ашёи хом бо такя ба маҳсулоти ватанӣ таъмин карда мешавад.
Дар марҳилаи аввал корхона танҳо ба истеҳсоли шиферҳои азбестӣ нигаронида шудааст. Тибқи иттилоъ, дар оянда дар заминаи тақвияти иқтидори истеҳсолӣ ва ҷорӣ кардани хатҳои иловагӣ талаботи сокинони шаҳру ноҳияҳо ба маҳсулоти хушсифати ватанӣ таъмин карда мешавад.
Бояд гуфт, ки дар замони соҳибистиқлолӣ Президенти Ҷумҳурии Тоҷикистон муҳтарам Эмомалӣ Раҳмон шурӯъ аз 1993 то соли 2020 ба ноҳияи Восеъ 16 маротиба сафар намудаанд.
Дар заминаи ин сафари кории Президенти Ҷумҳурии Тоҷикистон, ки дар марҳилаи рушд сурат гирифт, дар 5 ҷамоату шаҳраки ноҳияи Восеъ зиёда аз 30 иншооти таъйиноти гуногун бо таъсиси ҷойҳои нави корӣ ба истифода дода шудаанд, ки муддатҳои тӯлонӣ ба халқ хизмат хоҳанд кард.
Дар вилояти Хатлон қисми бештари кӯдакон аз омодагӣ ба мактаб берун мемонанд
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
«ТАБЛИҒГАРОНИ ИСТИҚЛОЛ». Гурӯҳи тарғиботӣ-ташвиқотӣ фаъолияти занони ҳунарманд ва коргоҳҳои истеҳсолиро муаррифӣ менамояд
Сарвари давлат Эмомалӣ Раҳмон Варзишгоҳи миллиро бо 30 ҳазор ҷойи нишаст дар шаҳри Душанбе ифтитоҳ намуданд
АЗ ИСТИҚЛОЛ ТО ИСТИҚЛОЛОФАРӢ. Андешаҳои коршиноси масоили сиёсӣ дар ин маврид
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар вилояти Хатлон беш аз 900 корхонаи саноатӣ фаъолият мекунад
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Ҷумҳурии Тоҷикистон Эмомалӣ Раҳмон дар ноҳияи Файзобод аз намоиши маҳсулоти кишоварзӣ, ҳунарҳои мардумӣ ва таомҳои миллӣ боздид намуданд
Ба Сарвари давлат Эмомалӣ Раҳмон чор лоиҳаи муҳим, ки ба рушди инфрасохтори иҷтимоиву иқтисодии ноҳияи Файзобод равона шудаанд, муаррифӣ гардид
Пешвои миллат Эмомалӣ Раҳмон дар ноҳияи Файзобод якчанд иншооти соҳаи маорифро фосилавӣ ба истифода доданд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
