Ҷаласаи 30-юми Шӯрои ҳамоҳангсозии прокуророни генералии кишварҳо-иштирокчиёни ИДМ баргузор гардид

Октябрь 9, 2020 17:08

ДУШАНБЕ, 09.10.2020. /АМИТ «Ховар»/. Ҷаласаи 30-юми Шӯрои ҳамоҳангсозии прокуророни генералии кишварҳо-иштирокчиёни Иттиҳоди Давлатҳои Мустақил 8 октябр таҳти раёсати Прокурори генералии Ҷумҳурии Ӯзбекистон ба таври фосилавӣ тавассути алоқаи видеогӣ баргузор гардид. Дар ин бора ба АМИТ «Ховар» аз маркази матбуоти Прокуратураи генералии Ҷумҳурии Тоҷикистон хабар доданд.

Дар кори ҷаласа прокуророни генералии Федератсияи Россия, ҷумҳуриҳои Тоҷикистон, Арманистон, Беларус, Қазоқистон, Молдова, Озарбойҷон, инчунин Котиби иҷроияи Шӯрои ҳамоҳангсозӣ, муовини аввали Раиси Кумитаи иҷроияи ИДМ ва Президенти Ассотсиатсияи байналмилалии прокуророн ширкат варзиданд.

Аз лаҳзаи ташкили Шӯрои ҳамоҳангсозии прокуророни генералии кишварҳо-иштирокчиёни Иттиҳоди Давлатҳои Мустақил 25 сол сипарӣ гаштааст, аз ин лиҳоз иштирокчиён якдигарро бо ин санаи ҷашнӣ табрик намуданд.

Дар ҳамоиш масъалаҳои таҷрибаи кории прокуратураҳои генералии кишварҳо- Иттиҳоди Давлатҳои Мустақил вобаста ба назорати прокурорӣ дар самтҳои гуногун мавриди муҳокима қарор дода шуд.

Аз ҷумла, суханронии Прокурори генералии Ҷумҳурии Тоҷикистон, генерал-полковники адлия Юсуф Раҳмон вобаста ба таҷрибаи мақомоти Прокуратураи генералии Ҷумҳурии Тоҷикистон дар муқовимат бо терроризм, экстремизм ва дигар ҷиноятҳои фаромиллӣ  шунида шуд.

Дар маҷмӯъ, дар ҷаласаи мазкур зиёда аз 15 масъала мавриди баррасӣ қарор дода шуданд.

Дар ҷамъбасти ҷаласа иштирокчиён омодагии худро бобати таҳким бахшидани ҳамкории воқеии байни прокуратураҳои генералии давлатҳои аъзои ИДМ оид ба пешгирӣ ва мубориза бо терроризм, ифротгароӣ ва ҷудоихоҳӣ, муомилоти ғайриқонунии воситаҳои нашъадор ва яроқ, мубориза бо коррупсия, хариду фурӯши одамон, дигар намудҳои ҳаракатҳои ҷиноии фаромиллӣ, ҳамчунин муҳоҷирати ғайриқонунӣ изҳор намуда, зарурати минбаъд муттаҳид кардани қувваҳо ва густариши ҳамкории ҳамаҷонибаро ҳадафи асосии хеш қарор доданд.

Дар интиҳои баррасии масъалаҳо қарорҳои қабулнамудаи аъзои Шӯрои ҳамоҳангсозӣ аз ҷониби прокуророни генералии кишварҳо-иштирокчиёни ИДМ ба таври алоҳида ба имзо расонида шуданд.

Ғайр аз ин, бо қарори Шӯрои ҳамоҳангсозӣ як гурӯҳ кормандони мақомоти прокуратураи кишварҳо-иштирокчиёни ИДМ барои саҳм доштан дар рушди ҳамкории байналмилалӣ бо медали ҷашнии “25-солагии Шӯрои ҳамоҳангсозии прокуророни генералии кишварҳо – иштирокчиёни ИДМ” мукофотонида шуданд.

Қарор карда шуд, ки ҷаласаи навбатии Шӯрои ҳамоҳангсозии прокуророни генералии кишварҳо – иштирокчиёни ИДМ соли 2021 дар Ҷумҳурии Қазоқистон баргузор гардад.

Октябрь 9, 2020 17:08

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт