Дар ҳамаи участкаҳои шаҳри Хуҷанд шароити зарурӣ фароҳам оварда шуда, интихобот ҷараён дорад
ДУШАНБЕ, 11.10.2020. /АМИТ «Ховар»/. Имрӯз, 11 октябр, аз соати 06:00 дар маркази маъмурии вилояти Суғд — шаҳри Хуҷанд чун минтақаҳои дигари ҷумҳурӣ маъракаи муҳими сиёсӣ-интихоботи Президенти Ҷумҳурии Тоҷикистон дар ҳамаи участкаҳои интихоботӣ оғоз гардид.
Бино ба иттилои хабарнигори АМИТ «Ховар» дар вилояти Суғд Абдуаҳад Дадобоев, субҳи барвақт дар участкаҳои шаҳрии интихоботии №4-и ҳавзаи интихоботии №26, воқеъ дар бинои Театри тамошобини навраси ба номи Одилҷон Назарови шаҳри Хуҷанд даҳҳо нафар сокинони маҳаллаи Масҷиди Савр ва Чаҳорчароғ бо эҳсоси баланди ватандўстӣ ва ифтихор аз давлату давлатдорӣ ҳозир гардида, ба номзади арзандаи худ овоз доданд.
Яке аз аввалинҳо шуда, ба участкаи интихоботии №4 раиси шаҳри Хуҷанд Маъруф Муҳаммадзода омада, дар баробари дигар сокинони Тоҷикистон дар ҳузури мушоҳидони байналмилаливу миллӣ ва намояндагони воситаҳои ахбори оммаи маҳалливу ҷумҳуриявӣ бо мақсади рушди босубот ва тараққиёти ояндаи давлат ба номзади арзанда ба мансаби Президенти Ҷумҳурии Тоҷикистон раъй дод.
Ҳамчунин донишҷӯйи курси аввали Донишкадаи савдо ва иқтисоди Тоҷикистон, воқеъ дар шаҳри Хуҷанд Шукрулло Шарифҷонов, ки бори аввал бо масъулияти баланд ва ифтихор аз соҳибистиқлолии мамлакат ба участкаи интихоботӣ ҳозир гардидааст, раъй дод ва аз ҷониби шарҳрдори Хуҷанд бо туҳфаи хотиравӣ қадршиносӣ гардид.
Тавре ба хабарнигори АМИТ «Ховар» раиси участкаи интихоботии №4 Абдуҷаббор Ғанизода иттилоъ дод, дар ин участка, ки дар ҳудуди он ду маҳаллаи шаҳр – Масҷиди Савр ва Чаҳорчароғ ҷойгиранд, барои фаъолияти ҳайати комиссияи интихоботӣ ва баргузории ин маърака тамоми шароит фароҳам оварда шуда, дар маҷмӯъ, дар он 1541 нафар ба рӯйхат гирифта шудаанд. Аз ин шумора 6 нафар шаҳрвандони 18-сола мебошанд, ки бори аввал дар ин маъракаи сиёсӣ иштирок мекунанд.
Инчунин дар ҷараёни интихобот 7 нафар беморон ва шахсони барҷомонда тавассути гурӯҳи сайёр аёдат карда шуда, онҳо низ дар раъйдиҳӣ иштирок менамоянд.
Мувофиқи маълумоти раёсати омори шаҳри Хуҷанд, шумораи аҳолии шаҳр 184 600 нафарро дар бар гирифта, аз он 664 нафар дар чунин маъракаи сиёсӣ бори аввал ширкат мекунанд.
Ҳамзамон ба иттилои масъулини комиссияи интихоботии ҳавзаи Хуҷанд №26, имрӯз баҳри баргузории интихоботи президентӣ дар 22 маҳаллаи шаҳри Хуҷанд, дар маҷмӯъ, 1 ҳавза ва 64 участкаи интихоботӣ ташкил гардидаанд, ки ҳоло дар ҳамаи онҳо ин маъракаи муҳими сиёсӣ хуб ҷараён дорад.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
