Дар Донишгоҳи давлатии Данғара давраи омӯзиш ва татбиқи таҷрибаи давлатҳои Аврупо ба роҳ монда мешавад

Октябрь 17, 2020 09:37

ДУШАНБЕ, 17.10.2020 /АМИТ «Ховар»/.  Аз 20 октябри соли 2020 то 1 июни соли 2021 оид ба татбиқи навгониҳои таҷрибавии низоми таҳсилоти олии мансуб ба давлатҳое, ки ба  Ҷараёни Болон- раванди конвергенсия ва ҳамоҳангсозии системаҳои таҳсилоти олӣ дар Аврупо бо мақсади ташкили минтақаи ягонаи таҳсилоти олии аврупоӣ ворид гардидаанд ва дигар давлатҳои мансуб ба рушди инноватсионӣ  дар сохтор ва факултетҳои Донишгоҳи давлатии Данғара   бо истифода аз таҷрибаи давлатҳое чун Ҷумҳурии Мардумии Чин, Швейтсария, Германия, Австрия, Сингапур, Ҳиндустон, Нидерландия Қазоқистон, Ӯзбекистон, Федератсияи Россия, Украина, Беларус, Гурҷистон ва Молдова, давраи  омӯзиш ва татбиқи таҷрибаи ин давлатҳо роҳандозӣ мегардад. Ин матлабро ректори Донишгоҳи давлатии Данғара, раиси Шӯрои олимони донишгоҳ, профессор Нуралӣ Шоҳиён  16 октябр дар ҷаласаи  навбатии Шӯрои олимони донишгоҳ иброз дошт.

Дар ин бора  ёвари ректор ва мудири бахши  робита бо фазои иттилоотии Донишгоҳи давлатии Данғара Муҳаммад  Шораҳимзода ба АМИТ «Ховар» хабар дод.

Дар ҷаласа   асосан масоили вобаста ба иҷрои тағйирот ва навгониҳо дар Донишгоҳи давлатии Данғара дар соли таҳсили 2020-2021, пешниҳодҳо оид ба татбиқи таҷрибавии низоми таҳсилоти олии мансуб ба давлатҳои Ҷараёни Болон, меъёрҳои рейтингӣ ва таъсиси грантҳои дохилидонишгоҳӣ барои дастгирии беҳтарин дастовардҳо   мавриди  баррасӣ қарор гирифт.

Зикр шуд, ки татбиқи босамари сиёсати давлатӣ дар соҳаи маориф, ҷорӣ кардани меъёрҳои ҷаҳонӣ ва тайёр кардани мутахассисони соҳибкасб аз сиёсати имрӯзаи Ҳукумати Ҷумҳурии Тоҷикистон ба ҳисоб меравад. Бо истифода аз таъкидҳои Пешвои муаззами миллат, минбаъд муассисаҳои таҳсилоти олиро зарур аст, ки истифодаи васеи технологияҳои иттилоотиву коммуникатсиониро  дар ҷараёни таълим ба роҳ монанд, таҷрибаи байналмилалӣ омӯзонанд, нақшаву барномаҳои таълимиро ба талаботи бозори дохиливу ҷаҳонии меҳнат ва таҳсилот мутобиқ гардонида, то соли 2020 гузариш ба меъёрҳои ҷаҳонии таҳсилро таъмин намоянд.

Дар ҷараёни ҷаласаи Шӯрои олимон ҳамчунин доир ба татбиқи меъёрҳои болозикр грантҳои ҳармоҳа оид ба натиҷагирии талаботи мазкур пешбинӣ гардид.

Ҳамзамон барои таҳия ва чопи китобҳои дарсӣ дар асоси стандарти ягонаи Донишгоҳи давлатии Данғара бо назардошти қарори ҳайати мушовараи Вазорати маориф ва илми Ҷумҳурии Тоҷикистон барои омӯзгороне, ки дар якҷоягӣ бо донишҷӯён таҳияи лоиҳаҳои инноватсионӣ ва  ихтироъкорию навоварӣ ба роҳ мондаанд, ба омӯзгороне, ки маҳфилҳои забондониро дар сатҳи баланд ба роҳ мемонанд ва ба ин восита донишҷӯён сатҳи баланди забондонии касбии соҳавиро аз худ менамоянд, омӯзгороне, ки дар ҳамкорӣ бо корфармоҳо  донишҷӯёнро бо ҷойи кор таъмин менамоянд, грантҳои алоҳидаи хурди дохилидонишгоҳӣ таъсис гардидаанд.

Октябрь 17, 2020 09:37

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт