ҶДММ «Ваҳдат»-и ноҳияи Ёвон ба истеҳсоли дастпӯшакҳои бофташудаи сохтмонӣ шурӯъ намуд
ДУШАНБЕ, 13.10.2020 /АМИТ «Ховар»/. Бо мақсади ба роҳ мондани истеҳсоли намудҳои нави маҳсулоти ивазкунандаи воридот дар заминаи ҶДММ «Ваҳдат»-и ноҳияи Ёвон коргоҳи нав бо васлу насби дастгоҳҳои ҳозиразамон оид ба истеҳсоли дастпӯшакҳои бофташудаи сохтмонӣ ба фаъолият шурӯъ намуд. Дар ин бора ба хабарнигори АМИТ «Ховар» аз бахши котиботи Вазорати саноат ва технологияҳои нави Ҷумҳурии Тоҷикистон хабар доданд.
Иқтидори истеҳсолии коргоҳи мазкур дар як шабонарӯз зиёда аз 25 ҳазор ҷуфт дастпӯшакҳои бофташудаи сохтмониро ташкил дода, сифати маҳсулот ба талаботи стандарти давлатӣ ҷавобгӯ мебошад. Корхона омода аст, ки бо ширкатҳои сохтмонӣ ҷиҳати таъмини талабот бо дастпӯшакҳои зикргардида ҳамкориро тақвият диҳад.
Дар ҷамъияти мазкур коргоҳи дӯзандагӣ бо истифода аз 50 дастгоҳи дарздӯзӣ фаъолият дошта, дӯхти либоси мактабӣ роҳандозӣ гардидааст. Ҳоло дар ҷамъият дар маҷмӯъ 80 нафар шаҳрвандони маҳаллӣ ба кор ҷалб гардидаанд.
Ёдовар мешавем, ки ҶДММ «Ваҳдат» дар ноҳияи Ёвон соли 2014 бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба фаъолият оғоз намуда, барои пешрафти соҳаи кешбофии (трикотажии) мамлакат саҳми назаррас дорад.
Қоҳир Расулзода бо вазири федералии энергетикии Покистон Авайс Аҳмад Хан Леғарӣ мулоқот намуд
Ҷаласаи Гурӯҳи кории намояндагони мақомоти гумруки Тоҷикистон ва Узбекистон баргузор гардид
Дар Душанбе рафти татбиқи лоиҳаҳои муштарак бо Бонки Олмонии рушд баррасӣ гардид
Аҳамияти муҳими «CASA -1000» дар ҷаласаи 8-уми Комиссияи муштараки ҳамкории иқтисодии Тоҷикистон ва Покистон баррасӣ шуд
«Амонатбонк» ҳамкориро бо Бонки кишоварзии Чин тақвият медиҳад
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Дар ноҳияи Зафаробод ҷамъоварии ҳосили ғалладонагиҳо оғоз гардид
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
