Рустам Назарзода бо роҳбарони Намояндагии Байналмилалии Салиби Сурх ва ваколатдори Салиби Сурх дар Тоҷикистон мулоқот намуд
ДУШАНБЕ, 23.10.2020 /АМИТ «Ховар»/. Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, генерал-лейтенант Рустам Назарзода бо роҳбари нави Намояндагии Байналмилалии Салиби Сурх дар Тоҷикистон хонум Анжелика Шопп ва роҳбари ваколатдори Салиби Сурх дар Ҷумҳурии Тоҷикистон хонум Клаудия Аззолини мулоқот кард.
Тавре аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд, дар мулоқот ҷонибҳо масъалаҳои омӯзиши кормандони воҳидҳои наҷоти Кумита ва ҳамкории минтақавиро баррасӣ карданд. Инчунин онҳо нақшаҳои амалиёти муштарак оид ба огоҳкунии барвақтии аҳолӣ, пешгирии ҳолатҳои фавқулода ва иҷрои санадҳои муштараки имзошударо мавриди баррасӣ қарор доданд.
Рустам Назарзода ба хонум Анжелика Шопп дар бораи фаъолияти Кумита ва сохторҳои таркибии он иттилоъ дода, барои ҳамкории дуҷониба бо Кумитаи Байналмилалии Салиби Сурх изҳори қаноатмандӣ намуд. Ҳамчунин номбурда ба Салиби Сурхи байналмилалӣ барои ҳамкорӣ дар пешгирӣ аз густариши коронавирус дар қаламрави Тоҷикистон изҳори сипос намуд.
Клаудия Аззолини ба роҳбарони Кумитаи ҳолатҳои фавқулода барои кори пурсамар ва ҳамкории самарабахш дар самти коҳиши хатари офатҳои табиӣ изҳори миннатдорӣ намуда, ба корҳои ояндаи идораи наҷоти мамлакат комёбиҳо орзу кард.
Анжелика Шопп зикр намуд, ки дар Тоҷикистон чорабиниҳои муҳим дар соҳаҳои идоракунии хатари офатҳои табиӣ, пешгирии ҳолатҳои фавқулода ва рафъи оқибатҳои онҳо роҳандозӣ мешаванд.
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
