Сокинони вилояти Хатлон овоздиҳӣ дар маъракаи муҳими сиёсиро аз субҳи барвақт оғоз намуданд
ДУШАНБЕ, 11.10.2020. /АМИТ «Ховар»/. Сокинони вилояти Хатлон аз субҳи имрӯз, 11 октябр, дар интихоботи Президенти Ҷумҳурии Тоҷикистон фаъолона иштирок дошта, ба ҷонибдории номзади арзанда овоз медиҳанд. Дар ин бора аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» хабар доданд.
Субҳи имрӯз раиси вилояти Хатлон Қурбон Ҳакимзода дар участкаи интихоботии №5-и ҳавзаи интихоботии Бохтар, №44 барои овоздиҳӣ омад.
Дар ин қитъаи овоздиҳӣ 1980 нафар интихобкунанда, аз ҷумла 12 ҷавоне, ки бори аввал овоз медиҳанд ва 12 нафар солмандони аз 70-сола боло ба қайд гирифта шудаанд.
Пас аз раъйдиҳӣ раиси вилоят Қурбон Ҳакимзода бо мушоҳидони байналмилалӣ мулоқот намуд. Мушоҳидон ба раванди интихобот баҳои хуб дода, онро шаффофу демократӣ арзёбӣ намуданд.
Раиси вилоят дар ҷамъи хабарнигорон изҳор дошт, ки интихобот падидаи демократӣ, воқеаи муҳими сиёсӣ буда, натиҷаи он рушди минбаъдаи давлатамонро муайян мекунад.
— Конститутсия ва қонунгузории Ҷумҳурии Тоҷикистон дар баробари кафолати ҳуқуқу озодиҳои сиёсии шаҳрвандон ҳамчунин барои баргузории интихоботи демокративу шаффоф асосҳои ҳуқуқӣ муҳайё намуда, иштироки озодонаи мардумро дар ҳаёти сиёсӣ ва идоракунии давлат кафолат медиҳанд, — идома дод Қурбон Ҳакимзода. — Маҳз ҳамин кафолатҳои ҳуқуқӣ яке аз нишонаҳои асосии давлати демократию ҳуқуқбунёд дар самти таъмин намудани ифодаи ихтиёрии иродаи халқ дар вақти баргузории интихобот мебошанд.
Дар шароити давлати ҳуқуқбунёди демократӣ тамоми субъектҳои раванди интихобот бояд муқаррароти қонунҳои амалкунандаи кишварро ба роҳбарӣ гирифта, барои беҳтар фаъолият намудани комиссияҳои интихоботӣ, дар сатҳи баланди ташкилӣ, ба таври шаффофу демократӣ ва озод барпо гардидани интихобот тадбирҳо андешанд ва амалӣ намоянд.
Тибқи мушоҳидаҳо, имрӯз шаҳрвандон аз ҳуқуқи қонунии худ фаъолона истифода намуда, дарк мекунанд, ки аз раъйи онҳо ояндаи давлат, миллат ва ҳар шаҳрванд вобаста аст.
Дар вилояти Хатлон 25 ҳавзаи ҷумҳуриявӣ оид ба интихоботи Президенти Ҷумҳурии Тоҷикистон бо фарогирии 175 нафар, аз ҷумла 97 нафар занон (55,4%), 1097 участкаи интихоботӣ (нисбат ба интихоботи президентии соли 2013-ум 86 участка зиёдтар) бо фарогирии зиёда аз 9873 нафар аз ҳисоби шахсони таҷрибадор таъсис дода шудааст.
Шумораи интихобкунандагон дар вилоят як миллиону 717 ҳазору 489 нафар мебошад. Раванди интихоботи Президенти Ҷумҳурии Тоҷикистонро дар ҳавзаҳои интихоботии шаҳру ноҳияҳои вилояти Хатлон 92 хабарнигори сабтиномшуда, қариб 5,5 ҳазор мушоҳидони миллӣ ва намояндагони ҳизбҳои сиёсӣ мушоҳида доранд.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
