Табрикоти роҳбарони кишварҳои хориҷӣ ва шахсиятҳои маъруф ба Президенти Ҷумҳурии Тоҷикистон
ДУШАНБЕ, 21.10.2020 /АМИТ «Ховар»/. Ба муносибати аз нав интихоб гардидан ба маснади олии Президенти Ҷумҳурии Тоҷикистон ба унвони Асосгузори сулҳу ваҳдати миллӣ — Пешвои миллат, Ҷаноби Олӣ муҳтарам Эмомалӣ Раҳмон аз сарони давлатҳо ва ҳукуматҳои кишварҳои хориҷӣ, роҳбарони созмонҳои байналмилаливу минтақавӣ, инчунин ходимони намоёни давлативу ҷамъиятӣ номаҳои табрикотӣ ворид мегарданд.
Президенти Ҷумҳурии Корея Мун Чже Ин дар номаи шодбошии худ ба унвонии Президенти Тоҷикистон чунин менигорад:
“Ҷаноби Олӣ,
Табрикоти самимии маро ба муносибати пирӯзии эътимодбахш ва аз нав интихоб шуданатон ба ҳайси Президенти Ҷумҳурии Тоҷикистон қабул фармоед.
Муътақидам, ки таҷрибаи ғании Шумо дар соҳаи сиёсати давлатӣ дар оянда низ ба субот, тараққӣ ва шукуфоии кишваратон мусоидат хоҳад кард.
Хеле шодам, ки аз лаҳзаи барқарор кардани муносибатҳои дипломатӣ дар соли 1992 муносиботи дуҷонибаи мо дар соҳаҳои гуногун ба таври мунтазам рушд меёбанд.
Самимона изҳори боварӣ менамоям, ки дар якҷоягӣ бо Шумо ҳамкориҳои барои ҷонибҳо судманд ва самарабахши байни кишварҳоямонро тавсеа хоҳем бахшид.
Иҷозат фармоед, ки бо истифода аз ин фурсати фараҳбахш ба Шумо саломатии қавӣ ва ба мардуми тоҷик сулҳу шукуфоӣ таманно намоям”.
Дар табрику таҳнияти Президенти Ҷумҳурии Боливарии Венесуэла Николас Мадуро Морос, чунин омадааст:
“Ҷаноби Олӣ
Хеле хушҳолам табрикоти самимии худро ба муносибати аз нав интихоб шуданатон ба ҳайси Президенти Ҷумҳурии Тоҷикистон бирасонам.
Ҳукумати Ҷумҳурии Боливариании Венесуэла дар якҷоягӣ бо мардуми Венесуэла ба Ҷаноби Олӣ таманниёти самимонаи худро ҷиҳати рушду нумӯи Тоҷикистон баён намуда эътиқоди амиқ дорад, ки бунёди ҷаҳони одилона ва мутавозини бисёрқутба ва таҳкими фазои дӯстӣ ва эҳтироми ҳамдигар дар он имконпазир мебошад.
Ҳамзамон, ба Шумо хушбахтӣ ва ба мардуми бародари тоҷик шукуфоии тоза ва бардавом дар марҳалаи нави роҳбарии Шумо хоҳонам.
Лутфан, Ҷаноби Олӣ, эҳтироми фоиқаи маро бипазиред”.
Президенти Ҷумҳурии Куба Мигел Диас-Канел Бермудес дар барқияаш навиштааст:
“Муҳтарам Президент.
Шуморо ҷиҳати бори дигар ба симмати Президенти Ҷумҳурии Тоҷикистон интихоб шуданатон аз самими қалб табрик намуда, ҳамзамон саъю талоши худро барои минбаъд ҳам таҳким бахшидани муносибатҳои дӯстона, ки кишварҳои моро ба ҳам мепайванданд, таъкид месозам.
Лутфан эҳтиромоти фоиқаи маро бипазиред”.
Президенти Давлати Фаластин, Раиси Кумитаи иҷроияи Созмони озодибахши Фаластин Маҳмуд Аббос зимни табрикоти худ овардааст:
“Муҳтарам Ҷаноби Олӣ Эмомалӣ Раҳмон,
Президенти Ҷумҳурии Тоҷикистон
Боиси хушнидии беинтиҳои ин ҷониб аст, ки Шуморо, Ҷаноби Олӣ, аз номи Давлати Фаластин, мардуми он ва аз номи худам, ба муносибати пирӯзӣ ва комёб гардиданатон дар интихоботи президентӣ ва барои давраи нави роҳбарии Ҷумҳурии Тоҷикистон эътимоду боварии халқро соҳиб гардиданатон сидқан табрику муборакбод намоям.
Ба Шумо Ҷаноби Олӣ, волотарин таманниёти расидан ба азму ҳадафҳоятон ва ба мардуми сарбаланди тоҷик барору муваффақиятҳои беназир орзумандам.
Мо тамоми он арзишҳоеро, ки халқу давлатҳоямонро ба ҳам мепайванданд, азиз медонем ва минбаъд низ саъю кӯшишҳои судманди хешро баҳри рушду тақвияти ҳамкориҳои дуҷонибаамон роҳандозӣ хоҳем кард.
Ба Шумо, Ҷаноби Олӣ, саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии нав ба навро хоҳонам”.
Ҳамчунин табрикот аз номи Шайх Мишъал Ал-Аҳмад ал-Ҷобир ас-Сабоҳ – Валиаҳди Давлати Кувайт ворид гардид.
Вуруди барқияҳои шодбошӣ ба унвони Пешвои миллат идома дорад.
Пешниҳоди Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии кишвар»
Паёми Президенти Ҷумҳурии Тоҷикистон муҳтарам Эмомалӣ Раҳмон дар бораи самтҳои асосии сиёсати дохилӣ ва хориҷии ҷумҳурӣ
Ироаи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон “Дар бораи самтҳои асосии сиёсати дохилӣ ва хориҷии кишвар”
Президенти Ҷумҳурии Тоҷикистон Эмомалӣ Раҳмон дар шаҳри Ашқобод дар Форуми байналмилалии сулҳ ва эътимод иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимуҳамедов мулоқот намуданд
Президенти Ҷумҳурии Тоҷикистон Эмомалӣ Раҳмон бо сафари корӣ вориди Туркманистон шуданд
Сафари кории Президенти Ҷумҳурии Тоҷикистон Эмомалӣ Раҳмон ба Туркманистон
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
