Ҷамолиддин Абдуллозода дар «Саммити навоварӣ барои саломатӣ» ба таври онлайн иштирок намуд
ДУШАНБЕ, 18.11.2020 /АМИТ «Ховар»/. 17 ноябр Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода дар «Саммити навоварӣ барои саломатӣ», ки таҳти сарпарастии Раиси Шӯрои мудирони Муассисаи Қатар Шайха Муза бинт Носир зери шиори «Дунёи ягона баҳри сиҳатмандии мо» тариқи онлайн сурат гирифт, иштирок намуд.
Ҷаласа бо суханронии раиси иҷроияи Шӯрои директорони «Саммити навоварӣ барои саломатӣ», профессор Лорд Дарзӣ ва Шайха Муза бинт Носир оғоз гардида, дар идома вобаста ба вазъи саломатии одамон ва хатари мавҷи дуюми бемории COVID-19 дар минтақаҳои гуногуни олам филми мустанад намоиш дода шуд.
Сипас, дабири кулли Созмони умумиҷаҳонии тандурустӣ Тедрос Аданом Гебреисус низ дар ин саммит сухан карда, нигаронии амиқи худро дар робита ба зуҳур ва паҳншавии бемории COVID-19 иброз намуд. Ӯ аз ҷомеаи ҷаҳонӣ даъват ба амал овард, ки барои ҳифзи саломатии шаҳрвандон ва пешгирии бемории мазкур саҳм гузоранд.
Бояд гуфт, ки дар ин саммит беш аз 2 ҳазору 800 нафар намояндагони вазоратҳои тандурустии давлатҳои олам ва намояндагони созмону ташкилоти хусусии соҳавӣ иштирок намуданд.
Саммити мазкур 15 ноябр оғоз гардида, то 19 ноябр идома хоҳад ёфт.
Дар Кӯлоб бо иштироки Сарвазири Тоҷикистон ҷаласаи Ситоди ҷумҳуриявӣ баргузор шуд
Бо супориши Президенти Ҷумҳурии Тоҷикистон муҳтарам Эмомалӣ Раҳмон Сарвазири Тоҷикистон Қоҳир Расулзода ба шаҳри Кӯлоб сафар намуд
ОГОҲӢ. Дар баъзе шаҳру ноҳияҳои Тоҷикистон то 4 май хавфи сар задани сел боқӣ мемонад
Дар шаҳри Кӯлоб дар пайи бориши пай дар пай сел омада, ба хонаҳои сокинон хисорот расид
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
Тоҷикистон ва Бавария ҳамкориро дар самти таҳсилоти касбӣ густариш медиҳанд
Оид ба ҳамкорӣ дар самти ҷалби мутахассисони ҷавони соҳибтахассус Ёддошти тафоҳум ба имзо расид
Байни Маркази тадқиқоти стратегии Тоҷикистон ва Маркази тадқиқоти сиёсати хориҷии Узбекистон Ёддошти тафоҳум ба имзо расид
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
