Дар Боғи фарҳангию фароғатии «Ғалаба»-и шаҳри Душанбе аксияи экологӣ-ниҳолшинонӣ доир гардид
ДУШАНБЕ, 23.11.2020 /АМИТ «Ховар»/. Дар доираи иқдоми Раиси шаҳри Душанбе муҳтарам Рустами Эмомалӣ аз ҷониби Раёсати кор бо ҷавонон ва варзиши шаҳри Душанбе дар Боғи фарҳангӣ-фароғатии «Ғалаба» аксияи экологӣ-ниҳолшинонӣ доир гардид, ки дар он беш аз 250 нафар ҷавонону варзишгарон ва кормандони раёсату муассисаҳои варзишии пойтахт иштирок намуда, зиёда аз 200 бех ниҳолҳои ҳамешасабзу ороишӣ шинониданд.
Тавре мутахассиси Раёсати кор бо ҷавонон ва варзиши шаҳри Душанбе Осим Муродзода ба хабарнигори АМИТ «Ховар» иттилоъ дод, дар ҳамоиши экологӣ-ниҳолшинонӣ муовини Раиси шаҳри Душанбе Толиб Раҳимзода, сардори Раёсати кор бо ҷавонон ва варзиши шаҳри Душанбе Шоҳзод Раҳимзода ва дигар масъулин иштирок намуданд. Пеш аз оғози ин ташаббус иштирокчиён аз иқдоми пешгирифтаи Раиси шаҳри Душанбе муҳтарам Рустами Эмомалӣ ва амали қобили таҳсину шоиста ва самарабахш будани он ибрози андеша намуданд.
Бояд гуфт, ки ба «Шаҳри сабз» табдил додани шаҳри Душанбе яке аз иқдомҳои навбатии Раиси шаҳри Душанбе буда, мақсад аз амалисозии ин ташаббус, пеш аз ҳама, саҳм гузоштани сокинони пойтат дар сабзу хуррамгардонӣ ва шукуфоии пойтахт мебошад.
Иқдоми мазкур то охири мавсими ниҳолшинониву сабзазоркунӣ аз ҷониби Раёсати кор бо ҷавонон ва варзиши шаҳри Душанбе роҳандозӣ шуда, минбаъд дар дигар ноҳияҳои шаҳр низ амалӣ карда мешавад.
«ХУШДОМАНИ БЕҲТАРИН». Шоҳҷоизаи озмун насиби Холбӣ Амонбекова аз шаҳри Хоруғ гардид
Дар Тоҷикистон ду нафари аз 110-сола боло зиндагӣ менамоянд
РӮЗИ БАЙНАЛМИЛАЛИИ ПИРОНСОЛОН. Куҳансолон хазинаи бебаҳои инсоният мебошанд
Масъалаи ҳифзи кӯдакон аз таъсири таблиғи ғизои носолим баррасӣ гардид
Дар вилояти Хатлон ғолибони Озмуни ҷумҳуриявии «Хушдомани беҳтарин» муайян гардиданд
Осори Мавлоно чун падидаи нодири адабиёт ва андешаи башарӣ то имрӯз аҳаммияти бузурги маънавию ахлоқӣ дорад
Доир ба нақши Мавлоно дар ташаккули фарҳанги сулҳ конференсияи илмӣ-амалӣ баргузор шуд
Рӯзи дуюми Форуми дуюми сулҳи Фарғона таҳти унвони «Ынтымак» (Рӯзи ягонагӣ) доир шуд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик конференсияи илмӣ доир шуд
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
