ЭМОМАЛӢ РАҲМОН ДАР БОРАИ ОҚИБАТҲОИ ПАНДЕМИЯ. Сарварони кишварҳои СҲШ Эъломияи Москва ва Нақшаи мубориза бо коронавирусро тасдиқ намуданд
ДУШАНБЕ, 11.11.2020 /АМИТ «Ховар»/. Сарварони кишварҳои Созмони ҳамкории Шанхай (СҲШ) дар ҷамъбасти натиҷаҳои ҷаласаи Шӯрои сарони давлатҳои узви СҲШ, ки дирӯз, 10 ноябр дар шакли онлайн баргузор гардид, 16 санад, аз ҷумла Эъломияи Москва ва Нақшаи мубориза бо коронавирусро тасвиб карданд. Дар конфронс, аз ҷумла, иқдом дар самти муқовимат бо пандемия ва нарм намудани таъсири он нисбат ба иқтисоди кишварҳо муҳокима шуданд. Илова бар ин, сарварони кишварҳои СҲШ ба мувофиқа расиданд, ки Нақшаи чорабиниҳоро барои солҳои 2021–2025 тасдиқ кунанд, иттилоъ медиҳад хабарнигори АМИТ «Ховар».
Тавре АМИТ «Ховар» қаблан хабар дода буд, дар ҷараёни вохӯрӣ Президенти Ҷумҳурии Тоҷикистон муҳтарам Эмомалӣ Раҳмон изҳор намуданд, ки дар пасманзари пандемияи коронавирус, мо (кишварҳои узви СҲШ — шарҳи АМИТ «Ховар») имрӯз бо мушкилоти нави иҷтимоӣ ва иқтисодӣ рӯ ба рӯ мешавем. Ба иқтисоди миллии кишварҳо, аз ҷумла ба Тоҷикистон зарари ҷиддӣ расонида мешавад. Пандемия ба раванди рушди иқтисоди ҷаҳонӣ тасҳеҳоти муайян ворид намуд. Вай омили афзоиши якбораи бекорӣ, монеи воридшавии сармоягузорӣ ва рушди тиҷорат гардид. Баъзе кишварҳо метавонанд бо таҳдидҳои амнияти ғизоӣ рӯ ба рӯ шаванд.
«Тибқи арзёбиҳои созмонҳои бонуфузи байналмилалӣ, таъсири манфии оқибатҳои пандемия ба иқтисоди ҷаҳонӣ хусусияти дарозмуддат дорад», — зикр намуд Сарвари Тоҷикистон. Ба андешаи ӯ, ин чолишҳо муҳимияти андешидани тадбирҳои заруриро ҷиҳати вокуниши муносиби муштарак ба онҳо тақозо мекунанд. Дар ин замина, тавсеаи ҳамкории тиҷоратӣ ва иқтисодӣ дар фазои СҲШ бениҳоят муҳим аст.
Ёдовар мешавем, ки дар ҳайати СҲШ ҳашт кишвар — Қазоқистон, Қирғизистон, Покистон, Россия, Тоҷикистон, Ӯзбекистон, Ҳиндустон ва Чин шомил мебошанд. Чор кишвари дигар (Афғонистон, Беларус, Эрон ва Муғулистон) мақоми нозир доранд.
АКС: скриншот
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Дар Душанбе вохӯрии ҳафтуми роҳбарони мақомоти олии аудити давлатҳои аъзои Созмони ҳамкории Шанхай баргузор мегардад
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Дар Котиботи СҲШ дар Пекин ба муносибати ҷашни Наврӯз ҳамоиши тантанавӣ баргузор шуд
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
