Котиби Шӯрои амнияти Тоҷикистон Насрулло Маҳмудзода дар вохӯрии котибони шӯроҳои амнияти давлатҳои иштирокчии ИДМ иштирок намуд

Ноябрь 18, 2020 17:44

ДУШАНБЕ, 18.11.2020. /АМИТ «Ховар»/. Имрӯз вохӯрии ҳаштуми котибони шӯроҳои амнияти давлатҳои иштирокчии Иттиҳоди Давлатҳои Мустақил (ИДМ)- Тоҷикистон, Россия, Қазоқистон, Арманистон, Белорус, Туркманистон, Ӯзбекистон, Озарбойҷон ва Қирғизистон тариқи видеоконфронс баргузор гардид, хабар медиҳад АМИТ «Ховар».

Дар кори ҷаласа Котиби Шӯрои амнияти Ҷумҳурии Тоҷикистон Насрулло Маҳмудзода иштирок ва суханронӣ намуданд.

Зимни ҷаласа масъалаҳои таъмини амният дар ҳудуди масъулияти Созмон, ҷараёни ҳамкорӣ байни давлатҳои иштирокчии ИДМ дар муқобилият бар зидди таҳдидҳои биологӣ дар ҳудуди ИДМ, вобаста аз таҷрибаи мубориза бар зидди паҳншавии бемории КОВИД-19, омодагии саривақтии соҳаи тандурустӣ ва саноат ба муқобили таҳдидҳои нави амнияти биологӣ, вазъи Афғонистон ва таъсири он ба амнияти давлатҳои Осиёи Марказӣ ва дигар масъалаҳои умдаи амниятӣ мавриди таҳлилу баррасии иштирокчиёни ҷаласа қарор гирифтанд.

Ҳамчунин давлатҳои иштирокчии Созмон дар самти ҳамкории байнидавлатӣ дар мубориза бар зидди вируси нави КОВИД-19 мубодилаи афкор анҷом доданд.

Зикр гардид, ки Ҳукумати Ҷумҳурии Тоҷикистон ҷиҳати пешгирии оқибатҳои пандемия дар кишвар ва бо ин мақсад барои тақвият бахшидани ҳамкориҳо бо кишварҳои ИДМ ва дигар ташкилоту созмонҳои минтақавию ҷаҳонӣ таваҷҷуҳи доимӣ зоҳир карда, дар ин самт мунтазам тадбирҳои судмандро роҳандозӣ менамояд.

Дар анҷоми ҷаласа як қатор санадҳои муҳим қабул гардиданд.

Акс аз манбаъҳои боз

Ноябрь 18, 2020 17:44

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт