«Мактаби сиёсии Пешвои миллат – чароғи роҳи пешрафт»,-бардошт аз ҳамоиш ба шарафи Рӯзи Президент

Ноябрь 13, 2020 14:25

ДУШАНБЕ, 13.11.2020 /АМИТ «Ховар»/. Имрӯз дар Китобхонаи миллии Тоҷикистон таҳти унвони «Мактаби сиёсии Пешвои миллат — чароғи роҳи пешрафт» бо иштироки меҳмонону кормандон ҳамоиш доир гардид. Дар он меҳмонон доир ба Иҷлосияи таърихиву тақдирсози 16-уми Шӯрои Олӣ, корнамоиҳо ва ҷонбозиҳои Сарвари давлат дар роҳи пурпечутоби расидан ба сулҳу ваҳдати миллӣ ибрози андеша намуданд.

Зикр шуд, ки тибқи моддаи 2-юми Қонуни Ҷумҳурии Тоҷикистон «Дар бораи рӯзҳои ид», ки аз 14 майи соли 2016 қабул шудааст, дар Тоҷикистон 16 ноябр Рӯзи Президенти Ҷумҳурии Тоҷикистон таҷлил мешавад. Дар ин рӯз дар саросари мамлакат ҷамъомадҳои  илмӣ, мулоқоту суҳбатҳои мардумӣ, мусобиқаҳои варзишию фарҳангӣ ва барномаҳои идона доир мешаванд.

Муовини якуми директори Китобхонаи миллии Тоҷикистон Салима Раҷабзода зимни ҳамоиш иброз намуд, ки   «дар марҳалаи басо мушкили давлатсозии мо, тоҷикон, ки ба айёми ҷанги шаҳрвандӣ рост омада буд, касе зимоми давалатдориро ба даст гирифтан намехост. Дар ин миён муҳтарам Эмомалӣ Раҳмон бо азми қавӣ ва ҳисси баланди ватандӯстию ватанхоҳӣ нидои сулҳу дӯстӣ сар дода, миллатро ба ваҳдату ягонагӣ даъват намуданд. Маҳз суханони аввалини он кас аз боби ваҳдату ягонагӣ, якпорчагии давлат, рушди гуногуни соҳаҳои иқтисодиёт ва иҷтимоиёти мамлакат ва таъмини зиндагии шоистаи ҳар фарди сокини Тоҷикистон буданд».

Иштирокдорони ҳамоиш  аз кору пайкори ин абармарди қавиирода, сулҳпарвару сулҳхоҳ, ватандӯсту ватанхоҳ ёдрас шуданд.

Роҳбари дастгоҳи марказии ҲХДТ Абдураҳмон Хонов дар бораи саҳми беандозаи Пешвои миллат дар таъсиси ҲХДТ  ва муовини директори Пажӯҳишгоҳи фарҳанг ва иттилоот Абдуфаттоҳ Аминов дар мавзӯи «Пешвои миллат — ташаббускори рушди сайёҳӣ ва ҳунарҳои мардумӣ» маърӯза намуданд.

Дар ҳамоиш намоиши китоб бо асарҳои тозанашри Президенти Ҷумҳурии Тоҷикистон муҳтарам Эмомалӣ Раҳмон ва адабиёт дар бораи Президенти мамлакат ба маърази дид гузошта шуд.

 

Ноябрь 13, 2020 14:25

Хабарҳои дигари ин бахш

Дар Вазорати фарҳанг оид ба нақши муассисаҳои фарҳанг дар рушди маънавиёти ҷомеа ҳамоиш доир шуд
«ОФТОБИ НАЗМИ ОЛАМ». Дар Душанбе бахшида ба бузургдошти 700-солагии Ҳофизи Шерозӣ ҳамоиш баргузор гардид
Дар Париж барномаи фарҳангии Шашмақом баргузор гардид
ПАНДИ ҲОФИЗ — ҲИДОЯТГАРИ ИНСОНҲО БА СӮИ КАМОЛОТИ МАЪНАВӢ. Бардошт аз конфронси илмӣ-байналмилалӣ дар ЮНЕСКО
Дар қароргоҳи ЮНЕСКО ба ифтихори 700-солагии Ҳофизи Шерозӣ намоиши ҷашнӣ ифтитоҳ гардид
Тоҷикистон дар қароргоҳи ЮНЕСКО 700-солагии Ҳофизи Шерозиро таҷлил менамояд
Даври дуюми Озмуни ҷумҳуриявии «Тоҷикистон — Ватани азизи ман» оғоз гардид
Дар Академияи миллии илмҳои Тоҷикистон бахшида ба Рӯзи Ваҳдати миллӣ конференсияи ҷумҳуриявӣ баргузор гардид
Дар Осорхонаи миллӣ намоиши офаридаҳои наққош ва муҷассамасози маъруф Амонуллоҳ Ҳайдарзод ифтитоҳ ёфт
Академияи миллии илмҳои Тоҷикистон аккредитатсияи байналмилалии муассисавиро гузашт
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия
«ТОҶИ СОМОН». Дар Душанбе дуюмин синамоҷашнвораи байналмилалӣ баргузор мегардад