Дар Ваҳдат масъалаи беҳтар намудани хизматрасонии тиббӣ ба аҳолиро баррасӣ намуданд
ДУШАНБЕ, 09.11.2020 /АМИТ «Ховар»/. Бо мақсади пурзӯр намудани гаштҳои хонагӣ, беҳтар намудани хизматрасонии тиббӣ ба аҳолӣ, одоби муоширати табибон бо беморон, омодагӣ ва муътадил гузаронидани фасли зимистон дар Беморхонаи марказии шаҳри Ваҳдат ҷаласаи ғайринавбатӣ доир гардид, ки дар он муовинони Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода, Зулфия Абдусаматзода ва намояндагони шаҳри Ваҳдат иштирок намуданд.
Тавре аз Вазорати тандурустӣ ва ҳифзи иҷтимоии аҳолии ҷумҳурӣ ба АМИТ «Ховар» хабар доданд, муовини якуми Вазири тандурустӣ ва ҳифзи иҷтимоии аҳолии мамлакат Ғафур Муҳсинзода иброз дошт, ки бояд таваҷҷуҳи масъулинро ба масъалаҳои беҳтар намудани сатҳ ва сифати хизматрасонии тиббӣ ба аҳолӣ, махсусан модарону кӯдакон ва омодагии ҳамаҷонибаи муассисаҳои тандурустӣ ба давраи зимистон бештар ҷалб намуд.
Зикр гардид, ки новобаста аз пешравию дастовардҳои назаррас дар фаъолияти Беморхонаи марказии шаҳри Ваҳдат ҳанӯз ҳам дар муассисаи мазкур дар самти хизматрасонии тиббӣ ба аҳолӣ мушкилию камбудиҳо ҷой доранд.
Ҳамзамон дар ҷаласа масъалаҳои беҳтар намудани хизматрасонии тиббӣ ба модарону кӯдакон мавриди баррасӣ қарор дода шуда, аз ҷониби муовини якуми Вазири тандурустӣ ва ҳифзи иҷтимоии аҳолии мамлакат Ғафур Муҳсинзода пешниҳод карда шуд, ки дар беморхонаи мазкур муовини сартабиб оид ба масъалаи модар ва кӯдак ташкил карда шавад.
Ҷиҳати бартараф намудани мушкилию камбудиҳои ҷойдошта аз ҷониби муовинони Вазири тандурустӣ ва ҳифзи иҷтимоии аҳолӣ ба масъулини беморхона дастуру супоришҳои мушаххас дода шуд.
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
Таҳкими ҳамкорӣ дар самти рушди ғизои мактабӣ бо намояндагони Барномаи озуқавории ҷаҳонии СММ баррасӣ гардид
