Дар муассисаҳои ҳифзи иҷтимоии ноҳияи Рӯдакӣ тадбирҳои пешгирикунанда аз сӯхтор гузаронида шуданд
ДУШАНБЕ, 15.12.2020. /АМИТ «Ховар»/. Бо фаро расидани фасли зимистон дар ҷумҳурӣ хавфи ба вуҷуд омадани сӯхтор зиёд мегардад. Кормандони Сарраёсати Хадамоти давлатии оташнишонии Вазорати корҳои дохилии ҷумҳурӣ ҳамроҳ бо кормандони Хадамоти давлатии оташнишонии ноҳияи Рӯдакӣ дар Мактаб-интернати ҷумҳуриявии кӯдакони шунавоияшон суст ва дер каршуда, воқеъ дар кӯчаи Рӯдакӣ 2-и шаҳраки Сомониёни ноҳияи Рӯдакӣ бо роҳбарону масъулини муассиса тадбирҳои пешгирикунанда гузарониданд. Дар ин бора аз Вазорати корҳои дохилӣ ба АМИТ «Ховар» хабар доданд.
Дар муассисаи мазкур 224 нафар кӯдакон ба таълиму тарбия фаро гирифта шуда, 180 нафари онҳо дар хобгоҳ истиқомат менамоянд.
Зимни санҷиш мутахассисони Хадамоти оташнишонӣ баробари дидани роҳҳои ҳаракати нақлиёти оташнишонӣ, манбаъҳои об, воситаҳои аввалиндараҷаи оташнишонӣ, системаи аз сӯхтор воқифкунанда, истифодаи асбобу таҷҳизоти барқӣ, инчунин ба риояи вазъи бехатарӣ аз сӯхтор дар синфхонаҳову биноҳои таълимӣ, хобгоҳу ошхона ва дигар ҳуҷраҳои ёрирасон диққати асосӣ дода, ба масъулин барои дар сатҳи баланд ба роҳ мондани талаботи қоидаҳои бехатарӣ аз сӯхтор тавсияҳои зарурӣ доданд.
Бо роҳбарону ҳайати омӯзгорон вобаста ба риояи ҳатмии меъёру талаботи қоидаҳои бехатарӣ аз сӯхтор суҳбат ва бо кормандону хонандагони муассиса оид ба тартиби истифодаи воситаҳои аввалиндараҷаи оташнишонӣ ва чӣ гуна амал намудан дар вақти сӯхтору дигар ҳолатҳои фавқулода машғулияти амалӣ гузаронида шуд.
Муовини Сарвазири Тоҷикистон бо вазъи соҳаи кишоварзии шаҳри Истаравшан шинос шуд
Беш аз 700 соҳибкори Бадахшон бо дастгоҳи назоратӣ-хазинавӣ таъмин мешавад
«ПАЁМ — РОҲНАМО БАРОИ ИҶРОИ ҲАДАФҲОИ ШОИСТА». Таҳти ин унвон ҳамоиши илмӣ-назариявӣ баргузор шуд
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
