Дар шимоли Ироқ шаш ҷангҷӯи ДИ* маҳв карда шуданд

ДУШАНБЕ, 01.12.2020 /АМИТ «Ховар»/. Неруҳои таъйиноти махсуси Хадамоти зиддитеррористии Ироқ /ХЗИ/ бар зидди ҷангиёни гурӯҳи тундрави «Давлати исломӣ» /ДИ/ * дар қисмати ҷанубии музофоти Нинава амалиёт гузаронида, шаш террористро маҳв карданд. Дар ин бора ХЗИ рӯзи душанбеи 30 ноябр иттилоъ дод, менависад АМИТ «Ховар» бо истинод ба АИ «Синхуа».

Неруҳои таъйиноти махсус бо дастгирии неруҳои ҳавоии эътилофи байналмилалӣ бо раҳбарии ИМА ба ғоре дар кӯҳи Маҳмур дар ҷануби Мосул, дар 400 км шимоли Бағдод, ки ҷангиён паноҳ бурда буданд, ҳамла намуданд.

Тавре дар изҳорот омадааст, ҳангоми задухӯрд дар ғор се ҷангҷӯи ДИ кушта шуда, боқимонда зимни ҳамлаи ҳавоии эътилоф ҳангоми кӯшиши фирор маҳв карда шуданд.

Дар ҷараёни амалиёт як фармондеҳ захмӣ шуд.

ДАР АКС: неруҳои мусаллаҳи Ироқ. Аксҳо аз бойгонӣ

______________________________________

*Гурӯҳи дар Тоҷикистон мамнуъ