ДАРАХТ БИНШОН! Дар Восеъ беш аз 1000 бех ниҳолҳои мевадиҳандаю сояафкан шинонида шуданд

Декабрь 1, 2020 16:25

ДУШАНБЕ, 01.12.2020 /АМИТ «Ховар»/. 30 ноябр дар ноҳияи Восеъ бо иштироки муовини Раиси Ҳизби Халқии Демократии Тоҷикистон Хайринисо Юсуфӣ, раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён ва масъулини Кумитаи иҷроияи ҲХДТ дар ноҳия дар Ҷамоати деҳоти «Рӯдакӣ»-и ноҳия бо мақсади обод намудани як гӯшаи мамлакат маъракаи ниҳолшинонӣ сурат гирифт. Дар он беш аз 1000 бех ниҳолҳои мевадиҳандаю сояафкан шинонида шуданд. Дар ин бора аз Кумитаи иҷроияи марказии ХХДТ  ба АМИТ «Ховар» иттилоъ доданд.

Ёдовар мешавем, ки имрӯзҳо дар асоси дастуру супоришҳои Пешвои миллат муҳтарам Эмомалӣ Раҳмон дар шаҳру навоҳии вилояти Хатлон ба маъракаи ободонӣ ва сабзу хуррамгардонӣ таваҷҷуҳи хосса зоҳир гардида, дар ин самт тадбирҳои зарурӣ амалӣ карда мешаванд.

Зимни маърака мутахассисони ниҳолпарвар оид ба интихоби дарахтони ҳамешасабз, парвариши онҳо, тарзи кӯчонидани дарахтони бисёрсола аз як ҷой ба ҷойи дигар ва тарҳу ороиши кӯчаву хиёбонҳо тавсияҳо доданд.

Бино ба иттилои мутахассисони соҳа, дар фасли тирамоҳ шинонидани дарахтон мувофиқи мақсад буда, риояи қоидаҳои дурусти агротехникӣ дар раванди ниҳолшинонӣ ҳатмӣ мебошад. Зеро шинонидани дарахтон ба муҳити экологӣ таъсири мусбат гузошта, ба кӯчаву хиёбонҳо зебоии хосса мебахшад.

Ниҳолшинонӣ аз амалҳои нек ба шумор рафта, чун анъанаи хуб аз гузаштагонамон мерос мондааст. Аз ин хотир, дар мамлакат маъракаи ниҳолшинонӣ ба иди ҳақиқӣ табдил ёфта, мардум дар он фаъолона иштирок мекунанд.

Декабрь 1, 2020 16:25

Хабарҳои дигари ин бахш

ДАРАХТ БИНШОН! Дар ноҳияи Ванҷ мавсими ниҳолшинонӣ оғоз ёфт
ДАРАХТ БИНШОН! Дар Истаравшан беш аз 18 ҳазор бех ниҳол шинонида шуд
ДАРАХТ БИНШОН! Дар шаҳри Хуҷанд ниҳолҳои ҳамешасабзи сарви аризонӣ шинонида шуданд
24 март — Рӯзи гул ва ниҳолшинонӣ. То соли 2040 дар Тоҷикистон беш аз 2 миллиард бех ниҳол шинонида мешавад
ДАРАХТ БИНШОН! Дар Ҷамоати деҳоти Ситораи Сурхи ноҳияи Ёвон дар 5 гектар ниҳоли тут шинонида шуд
Хоҷагии давлатии фаръии ниҳолпарварии ноҳияи Шаҳринав беш аз 80 ҳазор бех ниҳолҳои гуногун пешниҳод намуд
Дар Ҷамоати деҳоти Султонободи ноҳияи Рӯдакӣ зиёда аз 400 бех ниҳоли арча шинонида шуд
Кормандони Ҳизби Халқии Демократии Тоҷикистон ҳашари ниҳолшинонӣ доир намуданд
Дар вилояти Суғд майдони боғоти мевадиҳанда васеъ мегардад
ДАРАХТ БИНШОН! Дар вилояти Суғд 750 бех ниҳол шинонида шуд
ДАРАХТ БИНШОН! Кормандони Вазорати энергетика ва захираҳои оби ҷумҳурӣ 300 бех ниҳоли санавбар ва сӯзанбарг шинониданд
ДУШАНБЕ – ШАҲРИ ГУЛИ САДБАРГ. Парвариши ин гул хароҷоти зиёд талаб накарда, аз аввали баҳор то барфрезиҳо шукуфон боқӣ мемонад