Палатаи савдо ва саноати Ҷумҳурии Тоҷикистон павилонҳои намоишгоҳӣ дастрас намуд
ДУШАНБЕ, 09.12.2020 /АМИТ «Ховар»/. 9 декабр дар Маҷмааи давлатии «Кохи Борбад» аз ҷониби Агентии Туркия оид ба ҳамкорӣ ва ҳамоҳангсозӣ (ТИКА) ба Палатаи савдо ва саноати Ҷумҳурии Тоҷикистон павилонҳои намоишгоҳӣ супорида шуданд.
Тавре аз Палатаи савдо ва саноати Ҷумҳурии Тоҷикистон ба АМИТ «Ховар» хабар доданд, иқдоми мазкур дар робита ба Протоколи ба имзорасида оид ба ҳамкорӣ миёни Палатаи савдо ва саноати Ҷумҳурии Тоҷикистон ва Агентии Туркия оид ба ҳамкорӣ ва ҳамоҳангсозӣ роҳандозӣ шуд.
Иқдоми ТИКА дар рушди соҳаи намоишгоҳии Ҷумҳурии Тоҷикистон саҳми назаррас мегузорад. Павилонҳои намоишгоҳии тақдимшуда 600 метри мураббаъро ташкил намуда, ба стандартҳои байналмилалии техникӣ ҷавобгӯ мебошанд.
Палатаи савдо ва саноати Ҷумҳурии Тоҷикистон фаъолияти худро дар самти ташкил ва баргузории намоишгоҳҳои миллӣ ва байналмилалӣ амалӣ менамояд. Таҷрибаи бисёрсола имкон медиҳанд, ки экспозитсияи миллии Тоҷикистон дар ЭКСПО-ҳои ҷаҳонӣ дар сатҳи баланд ташкил карда шавад. Бо мақсади баланд бардоштани иқтидори содиротии мамлакат ва муаррифии молу маҳсулоти ватанӣ дар бозорҳои берунӣ Палатаи савдо ва саноати ҷумҳурӣ муназзам иштироки ширкатҳои ватаниро дар намоишгоҳҳои хориҷӣ ва форумҳои байналмилалии тиҷоратии дар Тоҷикистон баргузоршаванда ташкил менамояд.
Таҷҳизоти намоишгоҳии аз ҷониби Агентии Туркия оид ба ҳамкорӣ ва ҳамоҳангсозӣ тақдимшуда ба Палатаи савдо ва саноати Ҷумҳурии Тоҷикистон имкон медиҳад, ки сифати баргузории барномаҳои намоиширо беҳтар созад.
Тоҷикистон ва Ҳиндустон ҳамкориро дар соҳаи технологияҳои рақамӣ ва инноватсия густариш медиҳанд
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
