СУТ оғози таъмини ваксинаи зидди коронавирусро нимаи аввали соли 2021 интизор аст

Декабрь 3, 2020 10:26

ДУШАНБЕ, 03.12.2020 /АМИТ «Ховар»/. Созмони умумиҷаҳонии тандурустӣ (СУТ) интизор дорад, ки таъмини ваксинаи зидди коронавирус дар семоҳаи дуюм ё сеюми соли 2021 оғоз хоҳад ёфт, аммо барои аҳолии осебпазир ваксинаҳо метавонанд аллакай дар семоҳаи аввал дастрас шаванд. Дар ин бора намояндаи расмии СУТ Тарик Язаревич (ДАР АКС) изҳор доштааст, хабар медиҳад АМИТ «Ховар» бо истинод ба ТАСС. 

«Мо интизор дорем, ки воридшавии вояҳо ба кишварҳо дар семоҳаи дуюм ё сеюми соли 2021 шурӯъ шаванд. Миқдори маҳдуди ваксинаҳо барои аҳолии гурӯҳҳои дорои хатари баланд шурӯъ  аз семоҳаи аввали соли 2021 метавонад дастрас шавад. Азбаски вояҳои нахустин миқдоран маҳдуд мебошанд, афзалият ба гурӯҳҳои осебпазир, аз ҷумла, кормандони соҳаи тандурустӣ ва пиронсолон дода хоҳад шуд», — иброз намуд Тарик Язаревич.

Аз қавли намояндаи расмӣ, дар айни замон беш аз 210 ваксина дар марҳилаҳои гуногуни коркард қарор доранд, аз ҷумла ҳадди ақалл 48-тои онҳо дар одамон озмоиш мешаванд ва тақрибан 10-тои онҳо марҳилаи сеюми озмоишро сипарӣ мекунанд. Ин марҳила барои баъзе ваксинаҳо моҳи июл шурӯъ шуд ва ҳоло натиҷаҳои пешакии озмоишҳо, ки дар онҳо баъзан то 30-60 ҳазор нафар одамон ширкат мекунанд, аллакай дида мешаванд. «Гарчанде ки натиҷаҳо рӯҳбаландкунанда бошанд ҳам, мо бояд маълумотро дар бораи самаранокӣ ва бехатарии онҳо мунтазир бишавем, — зикр намуд Тарик Язаревич. — «Инчунин бояд донист, ки муҳофизати он то кадом андоза бардавом хоҳад буд ва зергурӯҳҳои гуногун, аз ҷумла пиронсолон, чӣ тавр муҳофизат мешаванд».

Ба гуфтаи вай, чанд ваксинаи номзад дар марҳилаҳои якум ва дуюм қарор доранд ва моҳҳои наздик ба марҳилаи сеюм ворид хоҳанд шуд. «Ба ҳар андоза, ки номзадҳо зиёд бошанд, ҳамон қадар имконият зиёдтар мешавад», — шарҳ дод мусоҳиб ва илова кард, ки маъмулан сатҳи муваффақияти ваксинаҳои номзадҳо 10% -ро ташкил медиҳад. Намояндаи расмии СУТ воқеияти аз тарафи қисми зиёди истеҳсолкунандагон ва таҳиягарон интишор ёфтани протоколҳояшонро мусбат арзёбӣ намуд. «Чунин шаффофият барои олимон ва мақомоти танзимкунандаи СУТ хеле муҳим аст, то ваксинаҳо арзёбӣ ва муқоиса карда шаванд», — хулоса кард Тарик Язаревич.

 

АКС аз бойгонӣ

Декабрь 3, 2020 10:26

Хабарҳои дигари ин бахш

Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
Пешвои миллат дар таҳкими мақоми Зан-Модар дар ҷомеи Тоҷикистон нақши намоён доранд
Модар олиҳаи накугавҳар ва азизтарин шахсияти башар аст
СОЛИ БАЙНАЛМИЛАЛИИ ҲИФЗИ ПИРЯХҲО. Тоҷикистон дар сатҳи ҷаҳон чун ташаббускори муҳими ҳалли мушкилоти глобалӣ шинохта шудааст
ИНТИХОБОТИ ВАКИЛОНИ ХАЛҚ-2025. Натиҷаҳои пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон эълон гардиданд
ИНТИХОБОТИ ВАКИЛОНИ ХАЛҚ-2025. Натиҷаи пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон 3 март эълон мегардад
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 12:00 шумораи овоздиҳандагон дар Тоҷикистон 59 фоизро ташкил дод
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 9:00 шумораи овоздиҳандагон дар Тоҷикистон 22,1 фоизро ташкил дод
Пешвои миллат: «Мусулмони комил бояд ба Ватану миллати худ содиқ ва ба ҳифзи марзу буми он ҳамеша омода бошад»
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд