Тоҷикистон баргузории интихоботи Маҷлиси Шӯро (парлумон)-ро оғози марҳилаи нави таърихӣ дар рушду шукуфоии Қатар мешуморад
ДУШАНБЕ, 17.12.2020 /АМИТ «Ховар»/. «Вазорати корҳои хориҷии Ҷумҳурии Тоҷикистон аз ҷониби Амири Давлати Қатар Шайх Тамим бин Ҳамад Оли Сонӣ эълон намудани баргузории интихоботи Маҷлиси Шӯро (парлумон)-ро дар моҳи октябри соли 2021 оғози марҳилаи нави таърихӣ дар рушду шукуфоии Қатар мешуморад», -гуфта мешавад дар изҳороти Вазорати корҳои хориҷии Ҷумҳурии Тоҷикистон, хабар медиҳад АМИТ «Ховар».
Вазорати корҳои хориҷии Ҷумҳурии Тоҷикистон таъкид мекунад, ки иқдоми мазкур, ки дар ҳаёти қонунгузории Давлати Қатар бори нахуст рух медиҳад, қадами муҳим ба сӯи таҳкими анъанаҳои Маҷлиси Шӯро ва рушди раванди қонунгузорӣ ва мардумсолорӣ дар кишвар бо иштироки шаҳрвандон мебошад.
Ёдовар мешавем, ки Амири Давлати Қатар Шайх Тамим бин Ҳамад Оли Сонӣ 3 ноябри соли 2020 дар нишасти ифтитоҳии даъвати 49-уми Шӯро зимни суханронияш эълон кард, ки нахустин интихоботи Маҷлиси Шӯро дар моҳи октябри соли 2021 баргузор хоҳад шуд. Ҳамин тавр, Маҷлиси Шӯро ё парлумони Қатар аз парлумони таъйинотӣ ба парлумони интихоботӣ мегузарад ва вакилони маҷлис ҳар 4 сол аз тарафи мардум интихоб хоҳанд шуд.
Мавриди зикр аст, ки аксари кишварҳои олам аз ин иқдоми Давлати Қатар истиқбол намуда, онро қадами муҳим дар саъйу талошҳои Қатар дар ростои демократия донистаанд.
Сафири Тоҷикистон бо Вазири авқоф ва корҳои исломии Давлати Қатар мулоқот намуд
Намояндаи доимии Ҷумҳурии Тоҷикистон ба Дабири кулли Созмони амният ва ҳамкорӣ дар Аврупо эътимоднома супорид
Сафири Тоҷикистон бо Вазири таҳсилоти олӣ ва тадқиқоти илмии Миср мулоқот намуд
Татбиқи лоиҳаҳои Иттиҳоди Аврупо ва Созмони амният ва ҳамкорӣ дар Аврупо дар Тоҷикистон баррасӣ гардид
МУТТАҲИДКУНИИ ҶАҲОН БАРОИ ОБ. Моҳи май дар Душанбе Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» доир мешавад
Сафири Тоҷикистон бо сардори Идораи Осиёи Марказии Вазорати умури хориҷаи Эрон мулоқот намуд
Дар Душанбе ҳамкории Тоҷикистону Чин баррасӣ гардид
Сафири Тоҷикистон бо ҳамраиси Шурои кории Тоҷикистону Арабистони Саудӣ мулоқот намуд
Дар шаҳри Анқара Рӯзи фарҳангии Тоҷикистон баргузор шуд
Сафири Тоҷикистон бо Котиби давлатии Иёлоти Муттаҳидаи Амрико мулоқот намуд
Ҳамкории Тоҷикистону Умон дар соҳаҳои сиёсӣ, иқтисодӣ ва тиҷоратӣ баррасӣ гардид
Ҳамкории фарҳангии Тоҷикистон ва Амороти Муттаҳидаи Араб дар самти мусиқии симфонӣ густариш меёбад
