ТОҶИКИСТОНРО БА РӮЙХАТИ ДАВЛАТҲОИ «МИНТАҚАИ САБЗ» ДОХИЛ НАМУДАНД. Аморати Абу-Даби аз 24 декабр маҳдудиятро бекор карда, ба сайёҳони мо сабукӣ медиҳад

Декабрь 23, 2020 13:29

ДУШАНБЕ, 23.12.2020 /АМИТ «Ховар»/. Абу-Даби қоидаҳои вуруди сайёҳони хориҷиро ба аморат таҷдиди назар кард ва аз 24 декабр беэътибор намудани баъзе маҳдудияти вобаста ба пандемияро эълон кард. Дар ин бора, тавре ки АМИТ «Ховар» бо истинод ба шабакаи телевизионии Al Arabiya хабар медиҳад, 22 декабр маркази матбуоти Аморот эълом намудааст.

Пеш аз ҳама, сайёҳон аз кишварҳои «рӯйхати сабз» аз зарурати худмаҳдудкунӣ дар тӯли ду ҳафта озод мешаванд. Сухан дар бораи меҳмононе меравад, ки аз кишварҳои Австралия, Бруней, Ветнам, Юнон, Гренландия, Гонконг, Чин, Мавритания, Малайзия, Зеландияи Нав, Арабистони Саудӣ, Сингапур, Тоҷикистон, Тайван, Таиланд, Ӯзбекистон меоянд. Дар ин рӯйхат кишварҳои дигари ИДМ шомил нашудаанд. Барои касоне, ки аз кишварҳои хориҷии дар ин рӯйхатбуда меоянд, муҳлати худмаҳдудкунӣ то 10 рӯз коҳиш ёфтааст.

Ҳамаи сайёҳон, новобаста аз он ки аз кадом кишвар меоянд, вазифадоранд натиҷаи манфии озмоиши тестиро, ки на бештар аз 96 соат пештар аз вуруд ба кишвар гирифта шудааст, пешниҳод кунанд ва пас аз вуруд як бори дигар аз санҷиши тестӣ гузаранд. Ғайр аз ин, пас аз чанд рӯз онҳо бояд боз як бори дигар аз санҷиш гузаранд.

Муҳлатҳои супоридани тести такрорӣ таҷдиди назар шуданд: агар қаблан таҳлилҳо бояд дар рӯзҳои чорум ва ҳаштум дубора гирифта мешуданд, ҳоло онҳо бояд дар рӯзҳои шашум ва дувоздаҳум пешниҳод шаванд, агар шахс дар кишвар бештар бимонад. «Таснифи кишварҳо сари ҳар ду ҳафта таҷдиди назар хоҳад шуд», — таъкид намудаанд мақомоти аморат.

                                                                        АКС аз бойгонӣ

Декабрь 23, 2020 13:29

Хабарҳои дигари ин бахш

Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
Ба шарафи Наврӯзи бостонӣ дар Кумитаи рушди сайёҳии Тоҷикистон ҳамоиши тантанавӣ доир шуд
Коршиносони олмонӣ дар ҷашни наврӯзии Донишгоҳи байналмилалии сайёҳӣ ва соҳибкории Тоҷикистон иштирок намуданд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
Дар Боғи Ирами шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» бо намоиши ҳунарҳои мардумӣ доир гардид
Дар Намоишгоҳи байналмилалии сайёҳӣ ва меҳмоннавозии Москва имконоти сайёҳии Тоҷикистон муаррифӣ гардид
Масъалаи тақвияти ҳамкории Тоҷикистон ва Ҷопон дар соҳаи сайёҳӣ мавриди баррасӣ қарор гирифт
Ҷаласаи нуҳуми Шурои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон баргузор гардид
ФОРУМИ B5+1. Ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ тақвият меёбад
Дар шаҳраки бостонии Саразм майдони пазироӣ, дарвозаи рамзӣ ва терминали логистикӣ сохта мешавад
РӮЗИ МАТБУОТИ ТОҶИК. Кумитаи рушди сайёҳии Тоҷикистон заҳмати як зумра рӯзноманигоронро қадрдонӣ намуд