COVID-19. Доктор Муллозуҳур Тоҳирӣ андешаи олимони хориҷиро дар мавриди фоидаи гиёҳдармонӣ бар зидди коронавирус дастгирӣ мекунад
ДУШАНБЕ, 07.01.2021 /АМИТ «Ховар»/. Олимони якчанд кишвар ба таҳқиқи доруҳои дар асоси растаниҳо таҳияшуда, ки метавонанд бар коронавируси COVID-19 ғолиб шаванд, машғуланд. Тавре АМИТ “Ховар” бо истинод ба ToDay News Ufa хабар медиҳад, олимони Эрон, Италия, Босния ва Ҳерзеговина муайян кардаанд, ки ҷавҳари пӯсти анор зидди вирусҳо самаранок аст. Моддаҳое, ки дар таркиби он мавҷуданд, ҳуҷайраҳоро аз воридшавии вируси зуком муҳофизат ва инчунин интиқоли РНК-и онро масдуд мекунанд.
Олимон муайян кардаанд, ки дар ин кор полифенолҳо, ки растаниҳоро аз намудҳои гуногуни вирусҳо, бактерияҳо ва занбурӯғҳо муҳофизат мекунанд, нақши ҳалкунанда доранд.
Пайвастагиҳои ҷавҳари пӯсти анор дорои қобилияти пахш намудани фаъолии ферментҳои коронавирус, ки масъули зинда мондани онанд, мебошанд. Олимон мехоҳанд дар асоси онҳо барои табобати коронавируси COVID-19 доруҳо таҳия кунанд.
Ҳангоми сироят ёфтан маводе, ки дар ҷавҳари коҷи баргрези сибирӣ мавҷуд аст, ба ҷараёни эҳтимолан душвори беморӣ муқовимат мекунанд.
Олимон инчунин мехоҳанд меваҳои ситрусӣ, зардчӯба, черника ва чойи сабзро таҳқиқ кунанд.
Фикри олимони хориҷиро дар бораи манфиатҳои гиёҳдармонӣ дар мубориза бо коронавирус зимни суҳбат бо хабарнигори АМИТ «Ховар» табиби тоҷик — фитотерапевт, роҳбари Ассотсиатсияи фитотерапевтҳо, номзади илмҳои тиб Муллозуҳур Тоҳирӣ тасдиқ кард. «Дар ҳақиқат, дар пӯсти анор дар қатори витаминҳо ва минералҳои анъанавӣ, танинҳо, полифенолҳо, равғанҳои эфирӣ ва пектинҳо мавҷуд мебошанд. Пӯсти анор ба туфайли таркиби гуногуни биологии худ барои таҳкими масуният, табобат ва пешгирии бемориҳои гуногуни вирусӣ муфид аст ”, — гуфт ӯ ва илова кард, ки истифодаи пӯсти анор ҳамчун дору танҳо дар ҳолатҳое иҷозат аст, ки дорухат, миқдор ва ҷараёни табобат бо духтур мувофиқа шуда бошад.
Тавре АМИТ “Ховар” пештар хабар дода буд, доктор Тоҳирӣ инчунин тавсия медиҳад, ки одамони солим 500 мл оби гармро ҳангоми холӣ будани меъда бинӯшанд. Ҳар рӯз пеш аз хӯрок ва як соат пас аз хӯрок 200 мл оби тозаи нӯшокӣ бинӯшед. «Об беҳтарин дору аст», — таъкид мекунад ӯ.
Ғайр аз ин, истеъмоли як қошуқ асал 2 маротиба дар як рӯз пеш аз хӯрок дар муддати 1 моҳ, инчунин меваҳо, сабзавот ва гиёҳҳо муфид аст. Ҳамаи ин маҳсулот дар бозорҳои мо мавҷуданд. Варзиши ҳаррӯзаи ҷисмонӣ низ муфид аст.
Муллозуҳур Тоҳирӣ дар ҷумлаи чораҳои зарурӣ маслиҳат медиҳад, ки бояд даҳон пеш аз хоб аз 3 то 5 дақиқа бо маҳлули об, намак, сода ва равған шуста шавад. Ғайр аз ин, ҳар рӯз 1-2 маротиба пояҳо ва баргҳои хушкидаи ҳазориспандро бисӯзонед ва дуд андозед.
АКСИ: Pixabay.com
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
