Дар деҳаи Сангистони Айнӣ боғи суперинтенсивӣ бунёд карда мешавад
ДУШАНБЕ, 06.01.2021 /АМИТ «Ховар»/. Соли равон дар деҳаи Сангистони ноҳияи Айнӣ боғи суперинтенсивӣ бунёд карда мешавад. Дар боғи бунёдшаванда, пеш аз ҳама, дарахтони мутобиқ ба иқлими маҳал, аз ҷумла себ шинонида мешаванд.
Тавре аз хадамоти матбуоти Раиси вилояти Суғд ба АМИТ “Ховар” иттилоъ доданд, иқлими ноҳия барои боғпарварӣ мусоид буда, сокинони ноҳия аз ин ҳисоб метавонанд даромади хуб ба даст оранд. Имрӯзҳо дар ноҳияи Айнӣ ба бунёди боғҳои интенсивӣ ва суперинтенсивӣ таваҷҷуҳи махсус зоҳир мегардад.
Боғдорӣ яке аз соҳаҳои асосии комплекси агросаноатии Ҷумҳурии Тоҷикистон ва ҷанбаи сердаромади соҳаи кишоварзӣ ба ҳисоб рафта, барои таъмини амнияти озуқавории ҷумҳурӣ, ғанӣ гардонидани сабади истеъмолӣ, таъмини корхонаҳои коркард бо ашёи хом, афзун гардонидани имконияти содиротии мамлакат ва бо кори доимӣ таъмин намудани аҳолӣ мавқеи муайян ишғол менамояд.
Тавре директори Институти боғпарварию сабзавоткории Академияи илмҳои кишоварзии Тоҷикистон, доктори илмҳои кишоварзӣ Ҳикматулло Назиров зимни яке аз мусоҳибаҳои худ ба АМИТ “Ховар” иброз дошта буд, имрӯзҳо талаботи аҳолӣ ба меваи себ, ки дар боғҳои интенсивӣ ва суперинтенсивӣ хуб парвариш ёфтааст, зиёд мебошад.
Ба андешаи мутахассис, боғҳои интенсивӣ ва суперинтенсивӣ назар ба боғи анъанавӣ серҳосилу фоидаовар мебошанд. Давоми чанд соли охир дар боғҳои интенсивӣ ва суперинтенсивӣ асосан ниҳолҳои зардолу, себ, олу ва шафтолу парвариш карда мешаванд.
ДАРАХТ БИНШОН! Дар шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
ДАРАХТ БИНШОН! Дар ноҳияи Ҷалолиддини Балхӣ беш аз 30 ҳазор бех ниҳоли сояафкану ҳамешасабз шинонида мешавад
Дар хоҷагии ҷангали ноҳияи Ховалинг тақрибан 10 ҳазор бех ниҳоли санавбар шинонида шуд
ДАРАХТ БИНШОН! Дар талу теппаҳои канори шоҳроҳи Душанбе-Рӯдакӣ-Ваҳдат садҳо бех ниҳолҳои ҳамешасабз шинонида шуданд
Дар ноҳияи Мастчоҳ зиёда аз 20 ҳазор бех ниҳол шинонида шуд
БАРНОМАИ КАБУДИРЗОРКУНӢ. Дар доираи ин барнома дар Тоҷикистон ҳудуди ду миллиард дарахт шинонида мешавад
Дар ҳудуди шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
ИҚДОМИ САБЗ. Чоҳи амудии ноҳияи Мастчоҳ беш аз 5 гектар заминҳои ниҳолпарвариро бо оби доимӣ таъмин менамояд
Дар минтақаи Кӯлоб беш аз 45 ҳазор бех дарахти павловния парвариш карда мешавад
Боғдорони ноҳияи Ишкошим ба парвариши чормағз оғоз намуданд
ДАРАХТ БИНШОН! Дар ноҳияи Рашт беш аз 23 ҳазор бех ниҳоли ороишию ҳамешасабз шинонида шуд
Дар ноҳияҳои Шуғнон, Рӯшон, Дарвоз ва Ванҷ боғҳои чормағз бунёд карда мешаванд
