Дар доираи татбиқи лоиҳаи «Тақвияти таҳсилоти касбӣ-техникӣ ва омӯзиш» семинари амалӣ доир гардид
ДУШАНБЕ, 15.01.2021. /АМИТ «Ховар»/. 15 январ дар Муассисаи давлатии «Маркази таълими калонсолони Тоҷикистон»-и шаҳри Душанбе охирин рӯзи семинари омӯзишӣ дар мавзӯи «Барномаи таълимии модулӣ дар асоси стандартҳои салоҳият: истифодаи он дар омӯзиши касбии низоми ТИКТО дар Ҷумҳурии Тоҷикистон» доир гардид, ки дар он аз рӯйи барномаи таълимӣ барои ду касб: кафшергари барқӣ ва қаннодӣ корҳои амалӣ гузаронида шуданд.
Семинари мазкур аз 11 январ дар маркази тренингии Гурӯҳи идоракунии лоиҳаи «Тақвияти таҳсилоти касбӣ-техникӣ ва омӯзиш»-и Вазорати меҳнат, муҳоҷират ва шуғли аҳолии Ҷумҳурии Тоҷикистон шурӯъ шуда, дар он омӯзгорони Коллеҷи муҳандисию омӯзгории шаҳри Душанбе иштирок намуданд.
Тибқи барномаи омӯзишӣ, ба иштирокчиён давоми чор рӯз ҳадаф, вазифа ва сохтори барномаҳои таълимии модулӣ дар асоси стандарти салоҳияти касбӣ, тарзи истифодаи барномаҳои таълимии модулӣ, баҳодиҳӣ дар методикаи таълим дар асоси салоҳият, восита ва усулҳои баҳодиҳӣ омӯзонда шуданд.
Дар назар аст, ки аз 18 то 22 январ омӯзишҳо бо гурӯҳи дуввуми омӯзгорони Коллеҷи муҳандисию омӯзгории шаҳри Душанбе гузаронда шаванд. Дар умум 50 омӯзгори Коллеҷ ба давраи омӯзишӣ фаро гирифта мешаванд.
Бояд зикр кард, ки барномаҳои таълимӣ барои 17 касби коргарӣ дар асоси стандартҳои салоҳияти касбӣ омода шудаанд.
Ёдовар мешавем, ки тибқи яке аз нишондиҳандаҳои асосии лоиҳаи «Тақвияти таҳсилоти касбӣ-техникӣ ва омӯзиш» стандартҳои салоҳияти 17 касби коргарӣ таҳия гашта, пурра аз экспертизаи корфармоён ва вазорату кумитаҳои соҳавӣ гузаронида шудаанд. 17 стандарти салоҳият ба забони давлатӣ тарҷума шуда, бо Кумитаи забон ва истилоҳоти назди Ҳукумати Ҷумҳурии Тоҷикистон ва Вазорати маориф ва илми Ҷумҳурии Тоҷикистон мувофиқа карда шуда, аз ҷониби Вазорати меҳнат, муҳоҷират ва шуғли аҳолии Ҷумҳурии Тоҷикистон моҳи ноябр тасдиқ гардиданд.
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
