Дар СУТ аниқ карданд, ки то чанд рӯз беморони COVID-19 сирояткунанда мебошанд
ДУШАНБЕ, 18.01.2021 /АМИТ «Ховар»/. «Натиҷаҳои озмоиши тестии ПТСР-и одам метавонанд дар тӯли ҳафтаҳои зиёд пас аз сироят ёфтан мусбат бошанд. Аммо, ин маънои онро надорад, ки он сирояткунанда аст. Дар ин бора намояндаи Созмони умумиҷаҳонии тандурустӣ дар Россия Мелита Вуйнович дар як мусоҳибаи ихтисосӣ бо «Российская газета» иброз доштааст.
«Барои сирояткунанда будан бояд вируси зинда паҳн карда шавад», — шарҳ дод вай. — Тибқи таҳқиқоти пешакӣ, аксари беморон танҳо дар муддати 8-9 рӯз пас аз ошкор шудани нишонаҳои беморӣ сирояткунанда мебошанд, аммо давраи сирояткунии ашхосе, ки бемориро вазнин гузаронидаанд, метавонад тӯлонитар бошад».
Тавсияи СУТ барои давраи карантинии 14-рӯза ба маълумоти мавҷуда дар бораи давраи инкубатсионӣ асос ёфтааст. Тибқи маълумоте, ки ҳоло мавҷуд аст, давраи миёнаи инкубатсионӣ 5-6 рӯз ва ҳадди болоии он 14 рӯзро ташкил медиҳад. Ин асос барои тавсия додан дар мавриди муҳлати нисбии карантин мебошад.
Аммо фаҳмидани он, ки эпидемияҳо чӣ гуна шурӯъ мешаванд, барои пешгирии рӯйдодҳои минбаъдаи сироятёбии одамон муҳим аст.
«Аз лаҳзаи ошкор шудани гурӯҳи нахустини рӯйдодҳои бемории илтиҳоби шуши ғайримаъмулӣ (коронавирус маҳз ба бемории илтиҳоби шуши ғайримаъмулӣ марбут аст) дар Ухани Чин дар охири соли 2019, СУТ дар ҷустуҷӯи далелҳои воқеӣ дар хусуси он ки чӣ гуна вирус тавонист дар ибтидо аз ҳайвонот ба одамон интиқол ёбад, мебошад. Бо дарназардошти миқёс ва мураккабии пандемияи COVID-19 барои муайян кардани як ё якчанд соҳибони мобайнӣ ва манбаи вирус зарур аст, ки ҳамаҷониба якчанд таҳқиқоти ҳамоҳангшуда дар қаламрави Чин ва дигар кишварҳо гузаронида шаванд. Айнан дар ҳамин рӯзҳо як гурӯҳи байналмилалии олимон аз даҳ пажӯҳишгоҳ ва кишварҳо, аз ҷумла Россия рисолати худро дар Чин оғоз мекунад, то ин ки дар якҷоягӣ бо ҳамтоёни чиниашон дар бораи пайдоиши вирус таҳқиқоти илмӣ анҷом диҳанд», — эзоҳ дод намояндаи СУТ.
АКСИ: Reuters
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
