Бо бунёди 759 иншоот дар ноҳияи Шоҳмансур 7819 ҷойи нави корӣ таъсис мешавад
ДУШАНБЕ, 16.02.2021 /АМИТ «Ховар»/. Имрӯз зимни нишасти матбуотӣ раиси ноҳияи Шоҳмансури шаҳри Душанбе Билол Иброҳим ба хабарнигорон иброз намуд, ки ба муносибати таҷлили 30-солагии Истиқлоли давлатии мамлакат ва Қарори Раиси шаҳри Душанбе муҳтарам Рустами Эмомалӣ «Дар бораи Нақшаи чорабиниҳои амалӣ намудани корҳои бунёдкорӣ бахшида ба таҷлили ҷашни 30-солагии Истиқлоли давлатии Ҷумҳурии Тоҷикистон дар давраи солҳои 2019-2021» дар ноҳия бунёди 759 иншоот бо таъсиси 7819 ҷойи нави корӣ ба нақша гирифта шудааст.
Мавсуф зикр намуд, ки соҳибкорӣ омили асосии пешрафт буда, дар ноҳия ба он диққату этибори ҳаматарафа дода мешавад. Дар соли сипаригардида 5405 нафар соҳибкорони инфиродӣ ба қайд гирифта шудаанд, ки нисбат ба соли 2019 63 нафар зиёд мебошад.
Дар ҳудуди ноҳия 24 муассисаи тандурустӣ ҷойгир буда, аз ин шумора 8 муасссиса аз буҷети ноҳия маблағгузорӣ карда мешаванд. Шумораи умумии кормандон дар ҳамаи муассисаҳои тандурустии ҳудуди ноҳия 3621 нафар буда, аз инҳо табибон 1972 нафар, ҳамшираи тиббӣ 1365 нафар, маъмурият ва кормандони техникӣ 1184 нафарро ташкил медиҳанд.
Дар ҷараёни нишаст иброз гардид, ки дар соли сипаригардида нисбат ба 22 нафар шаҳрвандоне, ки талаботи Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ»-ро риоя накарданд, парвандаи ҳуқуқвайронкунии маъмурӣ тартиб дода, ба маблағи 8 923 сомонӣ ҷарима ситонида шудааст. Инчунин нисбат ба 10 нафар шаҳрвандоне, ки талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон»-ро вайрон намуданд, парвандаи ҳуқуқвайронунии маъмурӣ тартиб дода, ба Суди ноҳия барои баррасӣ ирсол карда шуд.
Дар маҷмӯъ, қонунвайронкунандагон ба маблағи 51 330 сомонӣ ҷарима баста шудаанд.
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
