Дар ҷаҳон дар як шабонарӯз зиёда аз 262 ҳазор нафар аз коронавирус сироят ёфтанд

ДУШАНБЕ, 16.02.2021 /АМИТ «Ховар»/. Шумораи ҳолатҳои тасдиқшудаи сироятёбӣ аз коронавирус дар ҷаҳон дар як шабонарӯз беш аз 262 ҳазор афзоиш ёфт ва аз 109,66 миллион зиёд шуд, хабар медиҳад АМИТ «Ховар» бо истинод ба маълумоти Созмони умумиҷаҳонии тандурустӣ (СУТ), ки имрӯз нашр шуд.

То соати 10:00 (ба вақти Душанбе) -и 16 феврал, ба СУТ дар бораи 109 669 586 сироятёфта ва 2418 211 фавтида маълумот ворид гардидааст. Шумораи сироятёфтагон то 262 943 нафар ва фавтидаҳо то 6 573 нафар зиёд шудааст.

Зикр карда шудааст, ки зиёда аз нисфи сироятёбиҳо ба Амрикои Шимолӣ ва Ҷанубӣ (110 078) рост меоянд, дар ҷои дуюм — минтақаҳои Аврупо (82,474) ва дар ҷои сеюм — Осиё (60,387) қарор доранд.

Аксари ҳолатҳои тасдиқшудаи сироятёбӣ дар ИМА сабт шудаанд — 28 317 70. Пас аз он Ҳиндустон (10 925 311), Бразилия (9 866 710), Россия (4 086 090), Британияи Кабир (4 047 843), Франсия (3 469 539), Испания (3.086.286), Италия (2.729.223), Туркия (2.594.128), Германия (2.346.876), Колумбия (2.198.549) ва Аргентина (2.029.057) қарор доранд.

Акси тасвирӣ аз бойгонӣ