Дар Сангвор даври ноҳиявии Фестивали ҷумҳуриявии «Чакомаи гесӯ» доир шуд

Февраль 24, 2021 10:08

САНГВОР, 24.02.2021 /АМИТ «Ховар»/. Бахшида ба Солҳои рушди деҳот, сайёҳӣ ва ҳунарҳои мардумӣ дар Қасри фарҳанги ноҳияи Сангвор  даври ноҳиявии  Фестивали ҷумҳуриявии «Чакомаи гесӯ» баргузор гардид.  Иштирокдорони Фестивали мазкур, ки аксаран духтарону бонувони дорои мўйҳои дароз ва зебо ороёфта буданд, бо намоиши барномаи дилнишини фарҳангӣ саъй намуданд, ки табиати биҳиштосои Тоҷикистон, либосу ороишоти миллии занона ва фарҳанги волои рақсу суруди тоҷикиро манзури тамошобинон  намоянд.

Дар фестивал ҷавондухтарон бо истеъдоди хуби фитрӣ ва маҳорати ҳунармандӣ фаъолона иштирок намуда, ҳунари волои худро дар ороиш ва мӯйбофии миллӣ тавассути намоиши расму оинҳои неки аҷдодӣ, аз қабили саршӯёну арӯсбаророн, мӯйбофону зулфандозӣ, ҷамолакбандию майдабофӣ ба қазовати ҳайати ҳакамон ва ҳозирин пешниҳод намуданд.

Дар фестивал ҷавондухтарони муассисаҳои таълимӣ, бонувони соҳаи тандурустӣ ва ташкилоту муассисаҳои ноҳия фаъолона иштирок намуда, аз тарафи Мақомоти иҷроияи ҳокимияти давлатии ноҳияи Сангвор бо сипосномаҳо ва туҳфаҳои хотиравӣ қадрдонӣ шуданд.

Тавре мудири бахши кор бо занон ва оилаи мақомоти иҷроияи ҳокимияти давлатии ноҳияи Сангвор Малоҳат Донаева ба хабарнигори АМИТ «Ховар»  иттилоъ дод, фестивал бо мақсади баланд бардоштани мақому манзалати сарулибоси миллии тоҷикӣ,  маросими анъанавии мӯйбофию зулфандозӣ, ҷамолакбандию кокулбофӣ, намоиши гесӯи дарози тоҷикона бо савту навои тоҷикӣ ва ашъори баландпоя, суруду рақс, ривояту таронаҳои мардумӣ, бадеҳахонӣ ва эҳё намудани ҳунарҳои мардумӣ доир шуд.

Ҳадафи асосии баргузор намудани озмуни мазкур тарғибу ташвиқи фарҳангу тамаддуни миллӣ, ашъори бузургони адабиёти классику муосир, суруду рақс, ривояту таронаҳои мардумӣ бахшида ба ҳусну тароват, ҷозибаи гесӯ, либосҳо ва ороишоти миллии тоҷикона мебошад.

Февраль 24, 2021 10:08

Хабарҳои дигари ин бахш

Имсол барои баргузории Озмуни ҷумҳуриявии «Фурӯғи субҳи доноӣ китоб аст» 2 835 000 сомонӣ ҷудо мегардад
«Мисгарӣ — бозгӯи рамзҳо, эътиқод ва анъанаҳои мардумӣ». Таҳти чунин унвон дар Осорхонаи миллии Тоҷикистон намоиш оғоз шуд
Навори видеоии Манижа дар шабакаи «Евровидение» миёни иштирокчиёни соли 2021 аз ҳама машҳуртарин шуд
МУШКИЛОТИ МУАССИСАҲОИ ТАЪЛИМИИ НОҲИЯИ ТОҶИКОБОД. Чаро сохтмони мактаби №6, ки қариб 20 сол пеш оғоз шуда буд, анҷом намеёбад?
«ҶАВОНОНИ ТОҶИКИСТОН» – ФАРОТАР АЗ ЯК РӮЗНОМА. Имрӯз «ҶТ» 91-сола шуд
Ҳунарпешаи халқии Тоҷикистон Асалбегим Саодатова дар 71-солагӣ аз олам даргузашт
«Ганҷинаи профессор Шарифҷон Ҳусейнзода» баъд аз навсозӣ ба истифода дода шуд
«TAJIKISTAN FASHION WEEK». Дар Душанбе маросими тантанавии ифтитоҳи Ҳафтаи байналмилаллии мӯд баргузор гардид
«БОЗГАШТ БА ПАНҶРӮД». Романи нависандаи рус Андрей Волос ба забони тоҷикӣ чоп шуд
Дар Шаҳринав риояи меъёр ва қоидаҳои техникаи бехатарӣ ҳангоми хизматрасонӣ ба сайёҳон баррасӣ гардид
«Ворух меросе аз Ориё ва порае аз қаламрави таърихии Тоҷикистон аст»,- шарҳи матбуоти даврии Тоҷикистон
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт

Маводҳои таҳлилӣ