Дар «Тоҷикстандарт» дарёфти роҳҳои самараноки татбиқи амалии бандҳои Паёми Пешвои миллат матраҳ гардид

Февраль 9, 2021 15:06

ДУШАНБЕ, 09.02.2021 /АМИТ «Ховар»/. Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Парлумони мамлакат, ки фарогири   самтҳои асосии сиёсати дохилӣ ва хориҷии Ҷумҳурии Тоҷикистон мебошад, аз ҷониби кормандони Агентии «Тоҷикстандарт» мавриди таҳлилу омӯзиш қарор гирифт.

Дар ҳамоише, ки  имрӯз дар мақомоти «Тоҷикстандарт» бо иштироки роҳбарон ва кормандони дастгоҳи марказии ин ниҳод доир гардид, дарёфти роҳҳои самараноки татбиқи амалии бандҳои дахлдори Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар бораи самтҳои асосии сиёсати дохилӣ ва хориҷӣ матраҳ шуд.

Муовини директори Агентии «Тоҷикстандарт» Ситора Шерзода таъкид дошт, ки ироаи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ дар оғози соли 2021 рӯйдоди нодири таърихӣ мебошад, зеро соли равон мардуми кишвар ҷашни 30-солагии Истиқлоли давлатии Ҷумҳурии Тоҷикистонро таҷлил менамоянд, ки  он дар саҳифаҳои таърихи миллати тоҷик  бо ҳарфҳои заррин навишта хоҳад шуд. Аз ин лиҳоз,  Паёми навбатӣ ҳуҷҷати сарнавиштсоз ва муҳим маҳсуб мешавад.

«Пешвои миллат бо эътимод ба мардуми мамлакат баён доштанд, ки халқи шарафманди тоҷик нангу номуси ватандорӣ ва ҳисси баланди миллӣ дорад ва бо чунин хислатҳои неку созандаи худ метавонад иқдомҳои аз имрӯза ҳам бештарро амалӣ карда, Ватани муқаддаси худро ба кишвари ободу пешрафта ва ҳамқадами ҷаҳони муосир табдил диҳад»,- зикр шуд дар ҳамоиш.

Таъкид гардид, ки ғамхориву таваҷҷуҳ ва ҳидоятҳои Пешвои миллат бори дигар моро водор месозанд, ки дар ҳифзи марзу буми кишвар ва рушди Тоҷикистони соҳибистиқлол саҳм гузорем.

-Баъд аз дастуру супоришҳо ва таъкидҳои Пешвои миллат, ки дар Паёми навбатӣ  баён гардиданд, мо бо дарки баланди ватандорию масъулиятшиносӣ  кӯшиш менамоем, ки ба қадри суботи комили кишвар бирасем ва чун пайравони асили Пешвои муаззами миллат ба халқу Тоҷикистони азиз содиқона, софдилона ва поквиҷдонона хизмат намоему Паёми Пешвои муаззами миллатро дастури амалии хеш қарор диҳем, — гуфт дар анҷом Ситора Шерзода.

Февраль 9, 2021 15:06

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт