Кумитаи ҳолатҳои фавқулода соҳиби 50 дастгоҳи мухобиротии муосири сайёр ва ду мошин гардид
ДУШАНБЕ, 06.02.2021 /АМИТ «Ховар»/. Дирӯз ба Кумитаи ҳолатҳои фавқулода ва мудофиаи граждании (КҲФ ва МГ) назди Ҳукумати Ҷумҳурии Тоҷикистон таҷҳизоти техникӣ, аз ҷумла ду мошин ва 50 дастгоҳи мухобиротии муосири сайёр барои қисмҳои Кумита тақдим карда шуд, хабар медиҳад АМИТ «Ховар» бо истинод ба маркази матбуоти Кумитаи мазкур.
Таҷҳизот дар доираи ҳамкории идораи наҷот бо Дафтари барномаҳои САҲА дар Душанбе дар самти пешгирӣ ва рафъи офатҳои табиӣ ва лоиҳаи муштараки БОР «Лоиҳаи миллии идоракунии хатари офатҳо» тақдим гардид.
Дар маросими супоридани таҷҳизот Раиси Кумитаи ҳолатҳои фавқулода ва мудофиаи гражданӣ Рустам Назарзода ва Роҳбари Дафтари намояндагии САҲА дар шаҳри Душанбе Валериу Кивер ширкат карданд.
Рустам Назарзода аз ҳамкории судманди дуҷониба бо Дафтари барномаҳои САҲА дар Душанбе ёдрас шуда, барои воситаҳои мухобиротии супурдашуда изҳори сипос намуд.
Ӯ таъкид кард, ки ин техника бешак барои наҷоти бисёр одамон кумак мекунад ва кори кормандони идораи наҷотро дар ҳолатҳои изтирорӣ сабук месозад.
«Кумаки расида- ин танҳо воситаҳои зарурии техникӣ нест, пеш аз ҳама, он дастгирии назаррас барои беҳтар намудани кор дар самти расонидани кумак ба аҳолӣ мебошад», — тазаккур дод Рустам Назарзода.
Валериу Кивер таъкид кард, ки САҲА минбаъд ҳам дар самти пешгирӣ ва рафъи оқибатҳои офатҳои табиӣ бо идораи наҷот ҳамкорӣ хоҳад кард.
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД» . Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
Дар роҳи Душанбе–Чаноқ хатҳои уфуқӣ аз нав кашида мешаванд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар Донишгоҳи давлатии тиббии Тоҷикистон доир ба зеҳни сунъӣ ва тандурустии рақамӣ конференсия доир гардид
Дар Донишгоҳи давлатии Бохтар оид ба истифодаи усулҳои гармофизикӣ конференсияи байналмилалӣ баргузор гардид
