Миёни Тоҷикистон ва Покистон оид ба ҳамкорӣ ва ёрии байниҳамдигарӣ дар фаъолияти гумрукӣ Созишнома ба имзо расид
ДУШАНБЕ, 04.02.2021 /АМИТ «Ховар»/. Имрӯз дар Душанбе байни Ҳукумати Ҷумҳурии Тоҷикистон ва Ҳукумати Ҷумҳурии Исломии Покистон Созишнома оид ба ҳамкорӣ ва ёрии байниҳамдигарӣ дар фаъолияти гумрукӣ ба имзо расид. Ин санадро Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода ва Сафири Ҷумҳурии Исломии Покистон дар Ҷумҳурии Тоҷикистон Имрон Ҳайдар имзо намуданд,- хабар медиҳад мақомоти гумруки Тоҷикистон.
Созишнома шароит фароҳам меорад, то мақомоти гумруки Тоҷикистон ва Покистон имкони мубодилаи бевоситаи маълумотро миёни якдигар баҳри фаъолияти самаранок оид ба пешгирии вайронкунии қонунгузории гумрукӣ, гардиши ғайриқонунии мол, маводи нашъадор, моддаҳои психотропӣ ва прекурсорҳои онҳо, ки ба саломатии инсон ва ба иқтисодиёти кишварҳо хатари ҷиддӣ доранд, дошта бошанд.
Дар маросими имзои Созишнома Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода зикр кард, ки муносибатҳои бисёрҷониба байни Ҷумҳурии Тоҷикистон ва Ҷумҳурии Исломии Покистон дар соҳаи фаъолияти гумрукӣ дар доираи Созмони ҳамкории итисодӣ, Созмони ҳамкории Шанхай ва Созмони ҷаҳонии гумрук ба роҳ монда шудаанд. Зикр шуд, ки мақомоти гумруки Тоҷикистон ҷиҳати таҳкими ҳамкории гумрукӣ аз тамоми захираву имконоти мавҷуда истифода намуда, барои густариши муносибатҳои тиҷоратию иқтисодӣ байни Тоҷикистон ва Покистон тадбирҳои зарурӣ роҳандозӣ менамояд.
Сафири Ҷумҳурии Исломии Покистон дар Ҷумҳурии Тоҷикистон Имрон Ҳайдар изҳор дошт, ки ҷониби Покистон омода аст, дар рушди ҳамкории мутақобилан судманд саҳм гузорад.
Созишномаи мазкур, ки аввалин санади меъёрии ҳуқуқии дуҷониба байни Ҳукумати Ҷумҳурии Тоҷикистон ва Ҷумҳурии Исломии Покистон оид ба ёрии байниҳамдигарӣ дар фаъолияти гумрукӣ мебошад, бо қарори Ҳукумати Ҷумҳурии Тоҷикистон аз 27 майи соли 2020 маъқул дониста шуда, лоиҳаи он давоми солҳои 2019 – 2020 таҳия гардид. Вале бо сабаби домангир шудани вируси сироятии COVID-19 дар ақсои олам имзо шудани он миёни ҷонибҳо ба таъхир афтода буд.
Оид ба тақвияти ҳамкории Тоҷикистон ва Қазоқистон дар соҳаи геология Ёддошти тафоҳум оид ба ҳамкорӣ ба имзо расид
Густариши ҳамкории Тоҷикистон ва Чин дар соҳаи меъморию сохтмон баррасӣ гардид
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
