Профессор Абдуллоҷон Орифов дар синни 81 аз олам даргузашт

Февраль 26, 2021 11:01

ДУШАНБЕ, 26.02.2021 /АМИТ «Ховар»/. Арбоби барҷастаи давлатӣ, аввалин раиси Кумитаи андози Тоҷикистон ва генерали хадамоти андоз, доктори илмҳои иқтисодӣ, профессор Абдуллоҷон Орифов дар 81-солагӣ аз олам даргузашт.

Орифов Абдуллоҷон Орифович 6 феврали соли 1941 дар деҳаи Рӯмони ноҳияи Бобоҷон Ғафуров таваллуд шудааст.

Фаъолияти меҳнатиашро ҳамчун иқтисоддон оғоз намуда, ба унвони профессорӣ расидааст. Дар солҳои гуногун Орифов дар Донишгоҳи миллии Тоҷикистон вазифаҳои баландро ишғол намуда буд.

Ӯ ба ҳайси мутахассиси стандартикунонӣ, иқтисоддони калон, сар иқтисодшинос, мудири шуъбаи банақшагирии меҳнат, сардори маъмурияти банақшагирӣ, раиси иттифоқҳои касаба, ассистент, аспирант, муаллими калон, дотсент, муовини мудири кафедра, декани факултаи омодагӣ, котиби ташкилоти партиявии маъмурияти Донишгоҳи давлатии миллии Тоҷикистон ва декани факултаи иқтисодии Донишгоҳи давлатии Хуҷанд кор кардааст.

Соли 1992 ӯ сардори Сарраёсати андози Тоҷикистон шуда, сипас фаъолияти давлатиро дар Парлумони кишвар идома дод ва дар он ҷо яке аз аввалин вакилони интихобшудаи мардумӣ дар Маҷлиси намояндагон гардид.

Соли 2006 Орифов кафедраи гумруки факултаи иқтисодии ДДҲБСТ-ро роҳбарӣ карда, фаъолияти омӯзгории худро идома дод.

Абдуллоҷон Орифов узви вобастаи Академияи байналмилалии мактабҳои олӣ буда, бо нишони сарисинагии «Аълочии маорифи Тоҷикистон» ва Ҷоизаи ба номи академик Б. Ғафуров мукофотонида шудааст.

Илова бар ин, ӯ яке аз аввалинҳо шуда, унвони Мушовири кулли Хадамоти андози Тоҷикистонро гирифт. Дар тӯли фаъолияти тӯлонии илмии худ Орифов бисёр китобҳо навиштааст. Ӯ муаллифи зиёда аз 800 корҳои илмӣ ва методӣ мебошад.

 

АКС аз бойгонӣ

Февраль 26, 2021 11:01

Хабарҳои дигари ин бахш

34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид
Дар палатаи поёнии Парлумони Тоҷикистон бо ҳайати Ҷумҳурии Мардумии Чин мулоқот доир шуд
Дар Тоҷикистон беш аз 1,9 миллион либоси мактабӣ истеҳсол карда шудааст