Садоқатмандона ба Ватан хизмат менамоем, — ваъдаи сарбозон ба падару модарон зимни дидорбинӣ дар шаҳри Бӯстон

Февраль 23, 2021 10:13

ДУШАНБЕ, 23.02.2021. /АМИТ «Ховар»/. Бо ташаббуси Мақомоти иҷроияи ҳокимияти давлатии шаҳри Турсунзода ва Вазорати мудофиа  бахшида ба Рӯзи таъсиси Қувваҳои Мусаллаҳи Ҷумҳурии Тоҷикистон дар қисми низомии Вазорати мудофиаи Ҷумҳурии Тоҷикистон  дар шаҳри Бӯстони вилояти Суғд дидорбинии падару модарони сарбозон бо фарзандон ва шиносоии волидайн бо шароити хизмати онҳо доир гардид.

Котиби матбуоти раиси шаҳри Турсунзода Фируз Холиқов ба хабарнигори минтақавии АМИТ «Ховар» гуфт, ки бо ин мақсад беш аз 50 нафар падару модарон аз деҳоти гуногуни шаҳри Турсунзода таҳти роҳбаладии муовини раиси шаҳр Фахрия Бобоҷонзода барои дидорбинӣ ба шаҳри Бӯстони вилояти Суғд сафар намуда, аз дидори фарзандон шод гардиданд.

Зимни дидорбинӣ сарбозон  изҳор доштанд, ки ба савганди ҳарбӣ содиқ буда, ба Ватани азизи хеш  садоқатмандона хизмат менамоянд.

Волидони аскарон дар қисми низомии шаҳри Бӯстон бо шароити буду бош, ошхонаву хобгоҳ, утоқҳои хизмати маишӣ ва реҷаи хизматии сарбозон  шинос шуда, ба Сарфармондеҳи Олии Қуваҳои Мусаллаҳи Ҷумҳурии Тоҷикистон барои фароҳам овардани шароити мусоиди хизмат изҳори миннатдорӣ намуданд. Падару модарон иброз доштанд, ки «фарзандони мо дар шароити хуб, тинҷию амонӣ, сулҳу субот дар ҳифзи марзу буми Ватани маҳбубамон қарор доранд ва қарзи шаҳрвандии худро сарбаландона иҷро менамоянд, ки мо аз он ифтихор менамоем».

Февраль 23, 2021 10:13

Хабарҳои дигари ин бахш

«Асолати миллии мо ҳимояи марзи Ватан аст». Таҳти чунин унвон ба шарафи Рӯзи Артиши миллӣ ҳамоиш доир шуд
Дар ноҳияи Шаҳристон амалиёти «Тозагии маҳал» гузаронида шуд
Дар Бадахшон ба шарафи Рӯзи Қувваҳои Мусаллаҳ машқҳои амалӣ-тактикӣ баргузор гардиданд
ОБУ ҲАВО: Имрӯз дар Тоҷикистон ҳаво абрнок шуда, борон меборад
Оилаҳои хонандагони осебпазири муассисаҳои таҳсилоти миёнаи умумии вилояти Хатлон аз кумакҳо бархӯрдор гардиданд
Дар Китобхонаи миллӣ ба ифтихори иди ҳомиёни Ватан барномаи фарҳангӣ доир гардид
Дар Донишгоҳи давлатии Данғара ба ифтихори Рӯзи Артиши миллӣ ҷамъомади идона доир шуд
Туҳфаи Пешвои миллат — китоби «Тоҷикон» ба Тоҷикобод расид
ОБУ ҲАВО: Имрӯз дар Тоҷикистон ҳаво абрнок шуда, борон меборад
Маликшо Неъматзода ба сокинони вилояти Суғд моҳияти Паёми Пешвои миллатро шарҳу эзоҳ дод
ОБУ ҲАВО: Имрӯз дар Тоҷикистон ҳаво абрнок ва тағйирёбанда шуда, борон меборад
Ёдгор Файзов: «Муттаҳидии халқи тоҷик нагузошт, ки пандемия моро бо мушкилот рӯбарӯ созад”

Маводҳои таҳлилӣ