Шӯрои диссертатсионии Донишгоҳи техникии Тоҷикистон фарогири 12 ихтисоси PhD ва 14 ихтисоси илмии анъанавист

Февраль 3, 2021 11:04

 ДУШАНБЕ, 03.02.2021. /АМИТ «Ховар»/. Дар Донишгоҳи техникии Тоҷикистон ба номи академик М.  Осимӣ Шӯрои диссертатсионӣ фаъолият дорад, ки фарогири 12 ихтисоси PhD  ва 14 ихтисоси илмии анъанавӣ мебошад. Соли равон  дар шӯроҳои диссертатсионии донишгоҳ ва шӯроҳои диссертатсионии дигар муассисаҳои Ҷумҳурии Тоҷикистон ва Федератсияи Россия 21 нафар устодон рисолаҳои илмиашонро ҳимоя карданд, ки аз онҳо 18 рисолаи номзадӣ ва 3 рисолаи докторӣ мебошад. Ин нуктаро имрӯз ректори Донишгоҳи техникии Тоҷикистон ба номи академик М.Осимӣ Қудрат Давлатзода зимни нишасти матбуотии  ин ниҳод баён намуд.

Ҳамчунин зикр гардид, ки донишгоҳ дорои неруи пуриқтидори илмӣ-техникии ҷавобгӯ ба талаботи муосир буда, вобаста ба рушди соҳаи нақлиёт ва коммуникатсия, энергетика, технологияи иттилоотӣ, шабакаи алоқа, сохтмон ва меъморӣ, радиотехника, металлургия, технологияи кимиёвӣ ва ғайра корҳои илмӣ-тадқиқотиро ба роҳ мондааст.

Дар айни замон парки технологии донишгоҳ дар асоси шартнома корҳои  илмию тадқиқотиро бо корхона ва ташкилот ба роҳ монда, инчунин барои донишгоҳу донишкадаҳои мамлакат таҷҳизоти лабораторӣ тайёр менамояд. Ҳамчунин дар  ин самт соли равон якчанд озмунҳо баргузор карда шуда, донишҷӯёни соҳибзавқ ва ихтироъкор ба парки технологӣ ҷалб карда шуданд.

Қудрат Давлатзода иброз намуд, ки «барои мустаҳкам кардани пояи моддӣ-техникӣ ва иқтидории илмии донишгоҳ таҳия ва татбиқи барномаҳои сармоягузорӣ ва дарёфти грантҳо ба ташкилоту созмонҳои байналмилалию минтақавӣ, инчунин тавсеаи ҳамкорӣ бо муассисаҳои таҳсилоти олии хориҷи мамлакат ҷиҳати омодасозии мутахассисони баландихтисос ба роҳ монда шудааст. Соли равон ҳамкорӣ бо барномаҳои Иттиҳоди Аврупо- Erasmus+, Лоиҳаи рушди таҳсилоти олӣ  аз ин зумра мебошад».

Дар ҷараёни нишаст зикр шуд, ки дар соли таҳсили 2020-2021 қабули донишҷӯёни хориҷӣ ба донишгоҳ зиёд гардида, беш аз 400 нафарро ташкил медиҳад.

Февраль 3, 2021 11:04

Хабарҳои дигари ин бахш

Барои кормандони соҳаи ҳифзи муҳити зист ва ҳифзи ҳуқуқ машғулияти омӯзишӣ баргузор гардид
Китоби «Рустами Эмомалӣ – дастпарвари Мактаби давлатдории Пешвои миллат» роҳнамо барои ҷавонони Тоҷикистон аст
«ШОҲНОМА» — БУЗУРГТАРИН ҲАМОСАИ МИЛЛӢ. Ин асар шоҳкории беназири сатҳи ҷаҳонӣ эътироф гардидааст
Аз қалъаи Бибихонуми шаҳри Бохтар бозёфтҳои давраҳои таърихӣ кашф карда шуданд
Оид ба тадбирҳои инноватсионӣ дар соҳаҳои молия, таҳсил ва иқтисод конференсияи байналмилалӣ доир шуд
Озмуни ҷумҳуриявии «Донандаи беҳтарини асарҳои Пешвои миллат» ҷамъбаст мегардад
Бозёфтҳои Осорхонаи таърихии асри санги Ховалинг 1 миллион сол умр доранд
ШАҲОМАТИ ДУШАНБЕ. Китоби «Рустами Эмомалӣ-дастпарвари Мактаби давлатдории Пешвои миллат» ин мавзуъро фаро гирифтааст
Дар ноҳияи Айнӣ бахшида ба 80-солагии муаллифи Суруди миллии Ҷумҳурии Тоҷикистон конференсияи ҷумҳуриявӣ доир мешавад
СОҲИБҚИРОНИ ШОИРӢ УСТОД РӮДАКИСТ. Бахшида ба Рӯзи Рӯдакӣ ҳамоиши адабӣ доир шуд
Ба ифтихори 700-солагии Ҳофизи Шерозӣ дар Осорхонаи миллӣ намоиши ҷашнӣ ифтитоҳ ёфт
Оид ба арзёбии таъсири маҳфузгоҳҳои партовҳои уранӣ ба муҳити зист конфронс доир шуд