Вазири маориф ва илм ва Сафири Украина дар Тоҷикистон масъалаҳои ҳамкории илмиро баррасӣ карданд

Февраль 24, 2021 09:00

ДУШАНБЕ, 24.02.2021 /АМИТ «Ховар»/. Шумораи зиёди кормандони соҳаи тиб ва олимону донишмандон рисолаҳои илмии худро дар Ҷумҳурии Украина ҳимоя карда, ҳоло дар дохили  мамлакат фаъолияти назаррасу судманд доранд. Ин нуктаро 21 феврал Вазири маориф ва илми Ҷумҳурии Тоҷикистон Муҳаммадюсуф Имомзода зимни мулоқот бо Сафири Фавқулода ва Мухтори Ҷумҳурии Украина дар Ҷумҳурии Тоҷикистон Василий Серватюк баён дошт.

Тавре аз маркази матбуоти Вазорати маориф ав илми мамлакат ба АМИТ  «Ховар» иттилоъ доданд, дар мулоқот якчанд масъалаҳои марбут ба ҳамкории ду кишвар дар самти илму маориф баррасӣ шуданд.

Муҳаммадюсуф Имомзода аз ҳамкории мутақобилан судманд  дар соҳаи маориф ва илм ёдовар шуда, иброз дошт, ки  хуб мешуд масъалаи фароҳам овардани имконияти ҳимояи рисолаҳои илмӣ дар дигар соҳаҳо дар кишвари Украина барои шаҳрвандони Тоҷикистон бозбинӣ шавад ва унвону дараҷаҳои илмии Тоҷикистон дар кишвари Украина эътироф гардад.

Василий Серватюк аз пешниҳоду дархости Вазири маориф ва илми Тоҷикистон истиқбол намуда, зикр дошт, ки кишвари Украина низ барои ба роҳ мондани ин гуна ҳамкорӣ ва тавсеаи муносибатҳои дипломативу дӯстонаи ду давлату миллат моил буда, дар фурсати муносиб расман ба амалигардонии ин масъалаҳо иқдом менамояд.  Мавсуф пешниҳод намуд, ки дар Ҷумҳурии Тоҷикистон намоишгоҳи таълимӣ баргузор карда шавад.

Дар ҷараёни мулоқот гуфта шуд, ки ҳамасола аз ҷониби кишвари Украина 20 бурсияи таҳсилӣ (15 бакалаврият ва 5 магистратура) барои шаҳрвандони Тоҷикистон пешниҳод мегардад, ки тибқи ин бурсияҳо даҳҳо шаҳрвандони Тоҷикистон имкони таҳсил дар муассисаҳои таҳсилоти олии касбии Украинаро ба даст меоранд.

Ҳамкорӣ дар соҳаи маориф ва илм бо кишвари Украина дар асоси Созишнома миёни Вазорати мориф ва илми Ҷумҳурии Тоҷикистон ва Вазорати маориф ва илми Ҷумҳурии Украина оид ба ҳамкорӣ дар соҳаи маориф  аз 9 апрели соли 2003 ва санадҳои ҷаласаи ҳамасолаи Комиссияи муштараки байниҳукуматии Тоҷикистон ва Украина оид ба ҳамкории иқтисодӣ ба роҳ монда шудааст.

Февраль 24, 2021 09:00

Хабарҳои дигари ин бахш

«УМЕДВОРИ ПИРӮЗИИ Ӯ МЕБОШЕМ!». Сафири Россия ба Манижа дар «Евровидение» муваффақият таманно кард
БУЗУРГИИ САНЪАТ ДАР МУСИҚӢ ВОЗЕҲТАР ИФОДА МЕЁБАД. Дар Душанбе консерти ғайриодӣ баргузор хоҳад шуд, ки ташкили онро расо даҳ сол пеш Пешвои миллат шахсан пешниҳод карда буданд
Дар Тоҷикистон аввалин намоишгоҳ-ярмаркаи «Study in Ukraine» баргузор гардид
Дар Бӯстон ба ифтихори 110-солагии Қаҳрамони Тоҷикистон Мирзо Турсунзода рамзи ҷашнӣ гузошта шуд
Жириновский гуфт, ки интиқоди ӯ аз композитсияи «Зани рус» ба матни суруд дахл дорад, на ба миллати овозхон Манижа
«Тасвири об дар асарҳои рассомони Тоҷикистон». Таҳти чунин унвон дар Осорхонаи таъриху кишваршиносии шаҳри Кӯлоб намоиш доир шуд
Дар Тоҷикистон навсозии заминаи моддӣ ва техникии муассисаҳои таълимии омӯзиши ибтидоии касбӣ идома дорад
11 апрел даври ҷамъбастии Озмуни ҷумҳуриявии гулҳо — «Сайри гули лола» бо шукӯҳу шаҳомати хосса таҷлил мешавад
Имсол барои баргузории Озмуни ҷумҳуриявии «Фурӯғи субҳи доноӣ китоб аст» 2 835 000 сомонӣ ҷудо мегардад
«Мисгарӣ — бозгӯи рамзҳо, эътиқод ва анъанаҳои мардумӣ». Таҳти чунин унвон дар Осорхонаи миллии Тоҷикистон намоиш оғоз шуд
Навори видеоии Манижа дар шабакаи «Евровидение» миёни иштирокчиёни соли 2021 аз ҳама бештар машҳур шуд
МУШКИЛОТИ МУАССИСАҲОИ ТАЪЛИМИИ НОҲИЯИ ТОҶИКОБОД. Чаро сохтмони мактаби №6, ки қариб 20 сол пеш оғоз шуда буд, анҷом намеёбад?

Маводҳои таҳлилӣ