Дар ҷаҳон афзоиши пиронсолон ва дар Тоҷикистон зиёд шудани ҷавонон мушоҳида мешавад
ДУШАНБЕ, 17.03.2021 /АМИТ «Ховар»/. Синни 20,6% сокинони кишварҳои узви ИА дар соли 2020 ҳадди аққал 65-сола буд. Ин шумора нисбат ба даҳсолаи қаблӣ 3 нишондиҳанда зиёд аст. Тавре АМИТ «Ховар» иттилоъ медиҳад, чунин маълумотро рӯзи сешанбе, 16 март Агентии омори аврупоии Евростат нашр кардааст.
Кишварҳои дорои нисбатан зиёди аҳолии калонсоли Иттиҳоди Аврупо Италия (ҳиссаи одамони 65-сола ва калонтар 23,2%), Юнон ва Финляндия (ҳар кадоме 22,3%), Португалия (22,1%), Германия (21,8%) ва Болгария (21,6) %) мебошанд. Дар навбати худ, Ирландия (14,4%) ва Люксембург (14,5%) ба давлатҳое табдил ёфтанд, ки дорои аҳолии аз ҳама ҷавонтар дар ИА мебошанд.
Мушкилоти демографӣ дар Иттиҳоди Аврупо, бахусус пиршавӣ ва коҳиши аҳолӣ, расман эътироф карда мешаванд. Ҳамин тариқ, тибқи гузориши Комиссияи аврупоӣ “Таъсири тағйироти демографӣ (The Impact of Demographic Change), ки моҳи июни соли гузашта нашр шуд, шумораи одамони қобили меҳнат дар ИА то соли 2070 18% коҳиш ёфта, ҳиссаи одамони синнашон аз 65 боло то 30,3% афзоиш хоҳад ёфт. Дар ҳамин ҳол, тамоми аҳолии Иттиҳоди Аврупо на бештар аз 4% аҳолии кураи заминро ташкил хоҳад дод, гарчанде соли 1960 ин шумора тақрибан 12%-ро ташкил медод».
Тавре АМИТ «Ховар» қаблан хабар дода буд, аҳолии ҷаҳон рӯ ба пиршавӣ дорад, афзоиши ҳиссаи пиронсолон тақрибан дар ҳама кишварҳо ба назар мерасад, дар ҷои аввал миёни кишварҳое, ки сатҳи баландтарини пиршавӣ ба қайд гирифта шудааст, Япония қарор дорад. Дар Росссия сатҳи пиршавӣ ба 1 январи соли 2019 21,5% ва дар ИМА 22,0%-ро ташкил дод.
Дар Тоҷикистон ҳиссаи аҳолии то 25-сола 54% ва ҳиссаи пиронсолон (65-сола ва калонтар) ҳамагӣ 3,2%-ро ташкил медиҳад. 70%-и сокинони Тоҷикистонро ҷавонон ташкил медиҳанд.
То моҳи январи соли 2021 шумораи аҳолии Тоҷикистон 9 миллиону 538 ҳазор нафар ба қайд гирифта шуд.
Тибқи таҳқиқоти Global Burden of Disease, ки нашрияи тиббии Lancet нашр кардааст, Тоҷикистон аз рӯи синни миёнаи аҳолӣ дар Осиёи Марказӣ дар ҷои дуввум аст.
Синни миёнаи аҳолӣ дар Тоҷикистон, тавре ки дар таҳқиқот қайд шудааст, 73,7 солро ташкил медиҳад. Дар ин нишондиҳанда дар байни кишварҳои Осиёи Марказӣ Ӯзбекистон бо 73,8 сол пешсаф аст.
Дар Қазоқистон синни миёнаи аҳолӣ 72,4 сол, дар Қирғизистон 70,9 сол ва дар Туркманистон 70,4 сол аст.
МАВСИМИ ОББОЗӢ. Агар оббозӣ карда натавонед, кӯшиши ба об даромадан накунед
Ҳайати Тоҷикистон дар ҷаласаи Ассамблеяи ҷаҳонии тандурустӣ иштирок дорад
Лоиҳаҳои тандурустии Тоҷикистон дар ҷаласаи Бонки исломии рушд муаррифӣ шуданд
Ҷавонон бояд роҳи гузаштагони пурифтихорамонро бо омӯзиш ва аз худ кардани илмҳои замона идома диҳанд
Президенти Тоҷикистон: «Ҳамаи иқдом, дастгирию ғамхории Ҳукумати Тоҷикистон ба хотири соҳиби илму дониши муосир гардидани ҷавонон аст»
Ҳайати Тоҷикистон дар вохӯрии Иттифоқҳои касабаи давлатҳои Созмони ҳамкории Шанхай иштирок намуд
Эмомалӣ Раҳмон: «Ҳукумати мамлакат барои фаъолияти ҷавонон тамоми иқдоми заруриро амалӣ менамояд»
23 МАЙ-РӮЗИ ҶАВОНОНИ ТОҶИКИСТОН. Ҷавонони тоҷик дар пешрафти илму техника ва ихтироъкорию навоварӣ саҳми арзанда мегузоранд
Дар Душанбе вобаста ба таҳаввули ҷойгоҳи Осиёи Марказӣ дар низоми ҳамкории С5+1 ҳамоиш баргузор шуд
ОГОҲӢ. 22-23 май дар минтақаҳои кӯҳии Тоҷикистон борони пуршиддат дар назар аст
Бахшида ба Рӯзи ҷавонони Тоҷикистон дар Академияи идоракунии давлатӣ ҳамоиш баргузор шуд
Дар Санкт-Петербург Форуми байналмилалии ҳуқуқӣ баргузор гардид
