Се корманди маъракаи эмгузаронии зидди полиомиелит дар ду ҳамлаи террористӣ дар Нангарҳори Афғонистон кушта шуданд
ДУШАНБЕ, 31.03.2021 /АМИТ «Ховар»/. Тибқи маълумоти манбаъҳои амниятӣ, се зан — кормандони маъракаи эмгузаронии зидди полиомиелит дар ду ҳамлаи афроди мусаллаҳи номаълум дар шаҳри Ҷалолобод, маркази вилояти Нангарҳори Афғонистон кушта шуданд, хабар медиҳад АМИТ «Ховар» бо истинод ба шабакаи телевизионии tolonews.com.
Манбаъҳо илова карданд, ки ҳодисаи аввал 30 март тахминан соати 11:30 субҳ дар минтақаи Маҷбурободи ноҳияи чорум рух дод. Афроди мусаллаҳи ношинос як зан — корманди маъракаи эмгузаронии зидди полиомиелитро тирборон карданд.
Ҳодисаи дуюм чанд дақиқа пас аз рӯйдоди аввал дар минтақаи Лаълқосим Оғои ҳамин ноҳияи рух дод. Силоҳбадастони ду зани дигар — кормандони маъракаи эмгузаронии зидди полиоммелитро тирборон карданд, ки дар натиҷа онҳо низ ҳалок шуданд.
Ҳамлагарон аз ҷойи ҳодиса фирор карданд ва дар робита ба ин ду рӯйдод касе боздошт нашудааст.
Ҳеҷ гурӯҳе, аз ҷумла “Толибон” (мамнӯъ дар Тоҷикистон) масъулияти ин ҳамлаҳоро бар дӯш нагирифтааст.
Дар идомаи матлаб TOLOnews иттилоъ додааст, ки 29 март дар Афғонистон нахустин маъракаи саросарии эмгузаронии зидди полиомиелит дар соли ҷорӣ оғоз ёфт.
Дар маросими ифтитоҳи маърака, Олис Акнаго, муовини намояндаи ЮНИСЕФ дар Афғонистон гуфт, ки дар соли 2020 дар Афғонистон 56 ҳолати мусбати фалаҷи атфол сабт шудааст ва ин нишондиҳанда дар муқоиса бо 9 соли охир баландтарин мебошад.
Дар ҷараёни ин маърака интизор меравад, ки 9,6 миллион атфоли то 5-сола эм карда хоҳанд шуд, аммо бо сабаби нооромиҳо татбиқи барнома дар баъзе минтақаҳои ноамнии кишвар зери суол қарор дорад.
Дар ҳамин ҳол, сарпарасти Вазорати тандурустӣ аз ҷонибҳои даргир, бузургони қавмҳо ва олимони дин даъват кард, ки дар тамоми гӯшаҳои кишвар заминаи фаъолияти кормандони маъракаи эмгузарониро таъмин кунанд.
Тибқи маълумоти Вазорати тандурустӣ, соли гузашта дар кишвар 56 рӯйдоди навъи нахусти полиомиелит ва 310 ҳодисаи навъи тозаи он сабт шуда буд.
Имсол ҳам то акнун як рӯйдоди навъи нахусти полиомиелит ва 23 ҳодисаи навъи тозаи он сабт шудааст.
Афғонистон пас аз Покистон дуввумин кишвари осебпазир аз бемории фалаҷи атфол дар ҷаҳон аст.
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
Ҷаласаи навбатии Шурои ҳамоҳангсозии мақомоти ҳифзи ҳуқуқи пойтахт баргузор шуд
Доир ба пурзӯр намудани мубориза бо муомилоти ғайриқонунии маводи нашъаовар вохӯрӣ баргузор гардид
Ҳабибулло Воҳидзода бо Роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
Тоҷикистон ва Чин ҳамкориро дар самти амният тақвият медиҳанд
